Varanasi Movie Update: ‘వారణాసి’కి రాజమౌళి డెడ్‌లైన్.. పక్కా ప్లాన్ ప్రకారమే!

Varanasi Movie Shooting Update: భారతీయ సినీ ప్రేక్షకులు ఎంతో ఆసక్తిగా ఎదురుచూస్తున్న మోస్ట్ అవేటెడ్ ప్రాజెక్ట్ ‘వారణాసి’. సూపర్ స్టార్ మహేష్ బాబు, దర్శకధీరుడు ఎస్‌ఎస్ రాజమౌళి కాంబినేషన్‌లో తెరకెక్కుతున్న ఈ సినిమాపై అనౌన్స్‌మెంట్ నుంచే భారీ అంచనాలు నెలకొన్నాయి. హాలీవుడ్ స్థాయిలో భారీ బడ్జెట్‌తో రూపొందుతున్న ఈ చిత్రం ఇండియన్ బాక్సాఫీస్ లెక్కలను మార్చేస్తుందని ట్రేడ్ వర్గాల్లో అంచనాలు ఉన్నాయి. ప్రస్తుతం రాజమౌళి ఈ సినిమా షూటింగ్‌ను శరవేగంగా పూర్తి చేసే పనిలో ఉన్నట్లు తెలుస్తోంది. తాజాగా వారణాసి షూటింగ్‌కు సంబంధించి ఓ కీలక సమాచారం బయటకు వచ్చింది.

వారణాసి ప్రాజెక్ట్ షూటింగ్‌ను అక్టోబర్ నాటికి పూర్తిగా ముగించాలని డైరెక్టర్ రాజమౌళి టార్గెట్‌గా పెట్టుకున్నట్లు సమాచారం. సినిమా విడుదలకు ముందే పోస్ట్ ప్రొడక్షన్, విజువల్ ఎఫెక్ట్స్ వంటి కీలక పనులకు తగినంత సమయం ఉండేలా ఆయన పక్కా ప్లానింగ్‌తో ముందుకు వెళ్తున్నట్లు తెలుస్తోంది. సాధారణంగా రాజమౌళి సినిమాలు విజువల్ క్వాలిటీ, పర్ఫెక్షన్ విషయంలో ఎలాంటి రాజీ లేకుండా తెరకెక్కుతుంటాయి. అందుకే ఆయన చిత్రాల నిర్మాణానికి ఎక్కువ సమయం పడుతుంది. అయితే వారణాసి విషయంలో మాత్రం షూటింగ్ నుంచి పోస్ట్ ప్రొడక్షన్ వరకు ప్రతి దశను ముందుగానే ప్లాన్ చేస్తున్నట్లు సమాచారం. ఎట్టి పరిస్థితుల్లోనూ సినిమాను అనుకున్న తేదీకి ప్రేక్షకుల ముందుకు తీసుకురావాలనే లక్ష్యంతో టీమ్ పనిచేస్తున్నట్లు తెలుస్తోంది.

ఇప్పటికే 2027 ఏప్రిల్ 7న వారణాసిని ప్రపంచవ్యాప్తంగా గ్రాండ్‌గా విడుదల చేయనున్నట్లు మేకర్స్ ప్రకటించారు. ‘బాహుబలి’, ‘ఆర్ఆర్ఆర్’ వంటి సంచలన విజయాల తర్వాత రాజమౌళి నుంచి వస్తున్న సినిమా కావడం.. మరోవైపు మహేష్ బాబుతో ఆయన తొలిసారి కలిసి పనిచేస్తుండటంతో ఈ ప్రాజెక్ట్‌పై దేశవ్యాప్తంగా మాత్రమే కాకుండా అంతర్జాతీయంగా కూడా ఆసక్తి నెలకొంది. ఈ సినిమాలో బాబు ఇప్పటివరకు చూడని సరికొత్త గెటప్‌లో, గ్లోబల్ అడ్వెంచర్ నేపథ్యంలో కనిపించనున్నట్లు తెలుస్తోంది. భారీ యాక్షన్, అడ్వెంచర్, విజువల్ ఎఫెక్ట్స్‌తో రాజమౌళి తన మార్క్‌ను ఇందులో మరోసారి చూపించనున్నారు. మహేష్ స్టార్‌డమ్‌కు రాజమౌళి బ్రాండ్ ఇమేజ్ తోడవడంతో వారణాసిపై బాక్సాఫీస్ అంచనాలు భారీగా ఉన్నాయి.