SL vs ENG: బ్రూక్ ఫాస్టెస్ట్ డబుల్ సెంచరీ వృథా.. శ్రీలంక రికార్డ్ ఛేజింగ్ విజయం!
- ఇంగ్లండ్పై శ్రీలంక సంచలన విజయం
- 430 పరుగుల భారీ లక్ష్యాన్ని 49.5 ఓవర్లలో 8 వికెట్లు కోల్పోయి ఛేదన..
- బ్రూక్ ఫాస్టెస్ట్ డబుల్ సెంచరీ వృథా..
- Follow Us :
-
-
Add as a preferred
source on google
SL vs ENG: రావల్పిండిలో జరిగిన పాకిస్థాన్ వన్డే ట్రై-సిరీస్ మూడో మ్యాచ్లో ఇంగ్లండ్పై శ్రీలంక సంచలన విజయం సాధించింది. 430 పరుగుల భారీ లక్ష్యాన్ని 49.5 ఓవర్లలో 8 వికెట్లు కోల్పోయి ఛేదించింది. దీంతో ఒక్క బంతి మిగిలి ఉండగానే రెండు వికెట్ల తేడాతో శ్రీలంక అద్భుత విజయాన్ని అందుకుంది.
మ్యాచ్ విశ్యానికి వస్తే.. టాస్ గెలిచి తొలుత బ్యాటింగ్ చేసిన ఇంగ్లండ్ 50 ఓవర్లలో 4 వికెట్లకు 429 పరుగుల భారీ స్కోరు సాధించింది. కెప్టెన్ హ్యారీ బ్రూక్ అద్భుతమైన డబుల్ సెంచరీతో చెలరేగాడు. కేవలం 116 బంతుల్లోనే 202 పరుగులు చేసి ఇన్నింగ్స్ చివరి బంతికి అవుట్ అయ్యాడు. బ్రూక్కు జో రూట్ 69 పరుగులతో, టామ్ బాంటన్ 50 పరుగులతో సహకరించారు. చివర్లో విల్ జాక్స్ కేవలం 30 బంతుల్లోనే అజేయంగా 66 పరుగులు చేశాడు. దీంతో ఇంగ్లండ్ స్కోరు 400+ పరుగులు చేయగలిగింది.
Also Read
- Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
- Ration Cardholders: రేషన్ కార్డుదారులకు శుభవార్త.. డిసెంబర్ 1 నుంచి షాపుల్లో అవి కూడా..
- Ind Vs Nepal: నేపాల్పై భారత్-ఏ భారీ విజయం.. 306 పరుగుల తేడాతో వరల్డ్ రికార్డు బద్దలు..
- OTR: రాజమహేంద్రవరం వైసీపీలో వెన్నుపోట్ల కలకలం
430 పరుగుల భారీ లక్ష్యంతో బరిలోకి దిగిన శ్రీలంకకు ఆరంభంలోనే ఎదురుదెబ్బ తగిలింది. 24 పరుగులకే రెండు వికెట్లు కోల్పోయింది. అయితే అవిష్క ఫెర్నాండో, పవన్ రత్నాయకే ఇన్నింగ్స్ను నిలబెట్టారు. వీరిద్దరూ మూడో వికెట్కు 166 పరుగుల భారీ భాగస్వామ్యం నెలకొల్పారు. అవిష్క 83 బంతుల్లో 97 పరుగులు చేసి సెంచరీకి మూడు పరుగుల దూరంలో ఔటయ్యాడు. ఆ తర్వాత పవన్ రత్నాయకే తన దూకుడును కొనసాగించాడు. 106 బంతుల్లో 130 పరుగులు చేసి శ్రీలంక ఛేజింగ్కు బలమైన పునాది వేశాడు. ఇక పవన్ రత్నాయకే ఔటైన తర్వాత దసున్ శనక ఇంగ్లండ్ బౌలర్లపై విరుచుకుపడ్డాడు. కేవలం 50 బంతుల్లో 97 పరుగులు చేసి 3 పరుగుల తేడాతో సెంచరీ మిస్ అయ్యాడు. శనక ఔటైన తర్వాత కూడా శ్రీలంక బ్యాటర్లు ఒత్తిడిని ఎదుర్కొంటూ లక్ష్యం వైపు దూసుకెళ్లారు. చివర్లో జనిత్ లియానగే 27 బంతుల్లో అజేయంగా 61 పరుగులు చేసి మ్యాచ్ను ముగించాడు.
చివరి ఓవర్లలో ఈ ఉత్కంఠ మరింత పెరిగింది. చివరి ఓవర్లో లంక విజయానికి 8 పరుగులు అవసరం కాగా.. మొదటి బంతికి ఒక్క పరుగు మాత్రమే వచ్చింది. ఆ తర్వాతి రెండు బంతులతో లంక 2 వికెట్లు కోల్పవడంతో మ్యాచ్ పతాక స్థాయికి చేరుకుంది. దీనితో లంక 49.3 ఓవర్లకు శ్రీలంక 423/8తో నిలిచింది. అయితే ఆ తర్వాత బంతికి అసిత ఫెర్నాండో సింగిల్ తీశాడు. దానితో 2 బంతుల్లో 6 పరుగులు అవసరమైన సమయంలో జనిత్ లియానగే కళ్లు చెదిరే స్ట్రైట్ సిక్సర్ తో శ్రీలంకకు మరిచిపోలేని విజయాన్ని అందించాడు. ఇంగ్లండ్ బౌలర్లలో జోష్ టంగ్ 3 వికెట్లు పడగొట్టగా.. సామ్ కరన్ 2 వికెట్లు తీశాడు. జేమీ ఓవర్టన్, లియామ్ డాసన్ చెరో వికెట్ దక్కించుకున్నారు. అయితే భారీ లక్ష్యాన్ని కాపాడుకోవడంలో ఇంగ్లండ్ బౌలర్లు విఫలమయ్యారు.
తాజావార్తలు
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
-
Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
-
Telangana Congress : MLA రాజగోపాల్ రెడ్డి అసంతృప్తి వెనుక అసలు కారణమేంటి?
-
Tandoor Congress Rift: తాండూరు కాంగ్రెస్లో ఫ్లెక్సీ వార్.. బయటపడ్డ వర్గ విభేదాలు!
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!