ఒకప్పటి స్టార్ హీరోల సినిమాల టైటిల్స్ ను మరల ఉపయోగిచడం అనే ట్రెండ్ ఎప్పటి నుండో నడుస్తోంది. ఎన్టీయార్ నటించిన బ్లాక్ బస్టర్ సినిమా అడవి రాముడు ను రెబల్ స్టార్ ప్రభాస్ మళ్ళి అదే పేరుతో చేసాడు. కృష్ణ నటించిన శక్తి టైటిల్ తో జూనియర్ ఎన్టీయార్ సినిమా చేసాడు. దేవుడు చేసిన మనుషులు అనే సూపర్ హిట్ సినిమాతో రవితేజ సినిమా చేసాడు. ఇక్కడ గమనించాల్సిన విషయం ఏంటంటే అప్పట్లో ఆ టైటిల్స్ సూపర్ హిట్ అయితే ఇప్పుడు ఆ టైటిల్స్ వచ్చిన సినిమాలు డిజాస్టర్స్ కావడం.
Also Read : Priyadarshi : సారంగపాణి పాటల హక్కులు కొనుగోలు చేసిన బడా సంస్థ..
ఇక ఇప్పుడు యంగ్ హీరోలు పవర్ స్టార్ పవన్ కళ్యాణ్ తోలి రోజుల్లోని సూపర్ హిట్ ఫిల్మ్స్ టైటిల్స్ ను తమ సినిమాలకు వాడుతున్నారు. అలా మెగా ప్రిన్స్ వరుణ్ తేజ్ పవర్ స్టార్ క్లాసిక్ టైటిల్ ‘తొలిప్రేమ’ పేరుతో సినిమా చేసాడు. అలానే రౌడీ బాయ్ విజయ్ దేవరకొండ హీరోగా వచ్చిన ‘ఖుషి’ సినిమా కూడా పవర్ స్టార్ సినిమా నుండి అరువు తెచుకుందే. వీటితో పాటు యంగ్ హీరో నితిన్ పవన్ కళ్యాణ్ ‘తమ్ముడు’ టైటిల్ ను తన సినిమాకు పెట్టుకున్నాడు. ప్రస్తుతం చిత్రీకరణ దసలో ఉంది. తాజాగా తానేమి తక్కువ కాదని ప్రముఖ బుల్లితెర యాంకర్ ప్రదీప్ మాచిరాజు హీరోగా నటిస్తున్న రెండవ సినిమా కు టైటిల్ గా ‘ అక్కడ అమ్మాయి ఇక్కడ అబ్బాయి’ ఫిక్స్ చేసారు. ఇలా వరుసగా పవన్ కళ్యాణ్ టైటిల్స్ మును వాడేస్తున్నారు కుర్రహీరోలు. వీటిలో తొలిప్రేమ మాత్రమే హిట్. ఖుషి యావరేజ్, మిగతా రెండు సినిమాలు పరిస్థితి డిసెంబరులో తేలనుంది.
