Game Changer: గేమ్ చేంజర్ అప్డేట్ ఇచ్చిన థమన్

SS Thaman Gives Game Changer Movie Music Update: ప్రస్తుతం మెగా అభిమానులు అందరూ గేమ్ చేంజర్ సినిమా కోసం ఎదురుచూస్తున్నారు. ఈ సినిమా ఇప్పటికే విడుదలవలసి ఉంది కానీ పలు కారణాలతో వాయిదా పడుతూ వస్తోంది. ఈ సినిమాని క్రిస్టమస్ సందర్భంగా ప్రేక్షకులు ముందుకు తీసుకొచ్చే అవకాశం ఉందని ఇటీవల ఈ సినిమా నిర్మాత దిల్ రాజు చెప్పుకొచ్చాడు. అయితే తాజాగా ఈ సినిమాకి సంబంధించి మ్యూజిక్ అప్డేట్ ఇచ్చాడు ఈ సినిమా మ్యూజిక్ డైరెక్టర్ తమన్. దర్శకుడు మారుతి ఆధ్వర్యంలో జామ్ జంక్షన్ అనే ఒక మ్యూజిక్ ప్రోగ్రాం జరుగుతోంది. దానికి సంబంధించిన ఒక తాజా ప్రెస్ మీట్ లో తమన్ మీడియాతో మాట్లాడాడు.

SS Thaman: ఆర్టిస్ట్‌కి ఒక టాలెంట్ ఉంటే సరిపోదు.. కసి కూడా ఉండాలి!

ఈ సందర్భంగా ఆయన గేమ్ చేంజర్ మ్యూజిక్ గురించి అప్డేట్ ఇచ్చాడు. ఈ గేమ్ చేంజర్ సినిమాలో మొత్తం ఏడు పాటలు ఉంటాయని ఇప్పటికే విడుదలైన పాటలతో పాటు ఆగస్టు నెలలో మరొక పాట కూడా రిలీజ్ చేయబోతున్నామని చెప్పుకొచ్చాడు. ఇక ఈ సినిమాకి శంకర్ దర్శకుడిగా వ్యవహరిస్తూ ఉండగా దిల్ రాజు అత్యంత భారీ బడ్జెట్ తో సినిమాని నిర్మిస్తున్నాడు. రామ్ చరణ్ సరసన కియారా అద్వానీ, అంజలి హీరోయిన్లుగా నటిస్తున్న ఈ సినిమాలో దక్షిణ భారతదేశానికి చెందిన స్టార్ యాక్టర్లు నటిస్తున్నారు.