SDT18 : అత్యంత భారీ బడ్జెట్ చిత్రంలో మెగా మేనళ్లుడు ‘సాయి దుర్గ్ తేజ్’..

మెగా మేనల్లుడు సాయిదుర్గతేజ్ బ్రో, విరూపాక్ష వంటి వరుస బ్లాక్‌ బస్టర్‌ లు సాదించాడు. విరూపాక్ష గతేడాది ఏప్రిల్ లో విడుదలై ఏడాదిన్నర దాటుతున్నకూడా మరో సినిమా రిలీజ్ చేయలేదు ఈ సుప్రీమ్ హీరో. ప్రస్తుతం ఈ సుప్రీమ్ హీరో నటిస్తున్న పాన్‌ ఇండియా సినిమా #SDT18. ఈ సినిమాతోనే రోహిత్‌ కేపీ దర్శకుడిగా పరిచయం కానున్నాడు. ఈ చిత్రాన్ని ప్రైమ్‌షో ఎంటర్‌టైన్‌మెంట్స్ పతాకంపై హనుమాన్ నిర్మాతలు కె. నిరంజన్‌ రెడ్డి, చైతన్య రెడ్డి సంయుక్తంగా నిర్మిస్తున్నారు. ఈ సినిమాని అత్యంత భారీ బడ్జెట్ తో ప్రతిష్టాత్మికంగా నిర్మిస్తున్నారు. ఈ సినిమాకి సంబంధించిన అప్ డేట్ వెలువడింది.

Also Read : VenkyAnil3 : ‘వెంకీ మామ’ సెట్లో.. ‘బాల బాబాయ్’ సందడి.. ఫోటోలు వైరల్

ప్రస్తుతం #SDT18 సినిమా 15 రోజుల థ్రిల్లింగ్ యాక్షన్ షూట్‌ పూర్తి చేసుకుంది, ఓ ప్రముఖ ఫైట్ కొరియోగ్రఫి మాస్టర్ ఆధ్వర్యంలో ఈ యాక్షన్ ఘట్టాలను తెరకెక్కించారు. ఈ సినిమాలో తేజ్ ఎంతో శక్తివంతమైన, మాస్-డ్రైవెన్ పాత్రలో కనిపించనున్నాడు, హై-ఆక్టేన్ స్టంట్స్ మరియు డైనమిక్ ఫైట్ సీక్వెన్స్‌లతో ప్రేక్షకులను థ్రిల్ చేస్తుందని యూనిట్ భావిస్తోంది. తదుపరి షెడ్యూల్ కోసం 12 ఎకరాల్లో భారీ సెట్లను ఏర్పాటు చేశారు. ఈ భారీ సెటప్ నిర్మాణ విలువలను తెలియజేసేలా కనిపిస్తోంది. కాగా, ఈ సినిమా కోసం సాయి దుర్గ తేజ్ సరికొత్త మేకోవర్ లో కనిపించనున్నాడు, ఇందుకోసం లుక్ మార్చాడు. ఈ చిత్రంలో సాయి దుర్గ తేజ్ సరసన ఐశ్వర్యలక్ష్మి హీరోయిన్ గా నటిస్తోంది.ఈ చిత్రాన్ని తెలుగు, తమిళం, హిందీ, కన్నడ మరియు మలయాళంలో పాన్-ఇండియా విడుదల చేయడానికి మేకర్స్ కసరత్తు చేస్తున్నారు.