కోలీవుడ్ లో ఇద్దరు టాప్ స్టార్ హీరోల సినిమాలు ఫ్యాన్స్ వార్ కు దారి తీశాయి. ఈ ఇద్దరిలో ఒకరు తమిళ సూపర్ స్టార్ రజనీకాంత్ కాగా రెండవ హీరో సూర్య. రజనీ ప్రస్తుతం లైకా ప్రొడక్షన్స్ నిర్మాణంలో టీ. జే. జ్ఞానవేల్ దర్శకత్వంలో వెట్టయాన్ చిత్రంలో నటిస్తున్నాడు. ఇటు సూర్య సిరుతై శివ దర్శకత్వంలో కంగువ సినిమాలో కెరీర్ లోనే భారీ బడ్జెట్ చిత్రంలో నటిస్తున్నాడు.
Also Read: AAY : మా సినిమాకు వచ్చేవన్నీ లాభాలేనండి ‘ఆయ్’..
దాదాపు 300 కోట్ల రూపాయల భారీ బడ్జెట్ తో రానుంది కంగువ. ఇప్పటికే వచ్చిన ట్రైలర్ ఈ చిత్రంపై అంచనాలను భారీగా పెంచేసింది. ఈ సినిమాను అక్టోబర్ 10వ తేదీన రిలీజ్ చేయనున్నట్టు మేకర్స్ ఇప్పటికే వెల్లడించారు. ఆ రోజుకి అటు తమిళ్, ఇటు తెలుగులో మరే ఇతర స్టార్ హీరోల సినిమాలు లేకపోవడంతో సోలో రిలీజ్ దొరుకుతుందని భావించారు మేకర్స్. కానీ సూపర్ స్టార్ నటించిన వెట్టయాన్ అక్టోబరు 10న రిలీజ్ చేస్తున్నట్టు అధికారకంగా పోస్టర్ రిలీజ్ చేసింది లైకా ప్రొడక్షన్స్.దీంతో రజనీ vs సూర్య ఫ్యాన్స్ మధ్య ఫ్యాన్ వార్ ఓ రేంజ్ లో జరుగుతోంది. మా హీరో ముందు డేట్ అనౌన్స్ చేస్తే పోటీగా రజనీ సినిమా డేట్ వేశారని ఒకరిపై ఒకరు విమర్శలు చేసుకుంటున్నారు. వాస్తవానికి సూర్య సినిమా నిర్మాతలే ముందుగా రిలీజ్ డేట్ ప్రకటించారు. ఇప్పుడు రజనీ సినిమాతో పోటీ వద్దనుకుని సూర్య కంగువను అక్టోబరు 31 వాయిదా వేసే ఆలోచన చేస్తున్నారు మేకర్స్. కానీ అక్కడ శివకార్తికేయన్ నటిస్తున్న ‘అమరాన్’ రిలీజ్ కు రెడీ గా ఉంది.
