SSMB 29: ఇదేంట్రా ఇది.. జక్కన్నకే ట్రైనింగా?.. ఇక సినిమా మీ ఊహకే వదిలేస్తున్నాం

తెలుగు సినిమా ఖ్యాతిని ప్రపంచవ్యాప్తంగా చాటి చెప్పిన రాజమౌళి తెలుగులో నెంబర్ వన్ డైరెక్టర్ అనడం ఎలాంటి సందేహం లేదు. ఆ మాటకొస్తే తెలుగులోనే కాదు ఇండియాలోనే టాప్ మోస్ట్ డైరెక్టర్స్ లిస్టులో ఆయన కూడా ఉంటారు. అంతే కాకుండా ఆయన తన సినిమాలలో హైటెక్ విజువల్ ఎఫెక్ట్స్ ని ప్రేక్షకుల ముందుకు తీసుకొచ్చే ప్రయత్నం చేస్తూ ఉంటారు. ఇండియాలో చాలా సినిమాలకు ఆయన వాడిన విజువల్ ఎఫెక్ట్స్ కి మంచి గుర్తింపు వచ్చింది. చేసిన వాళ్ళకి మంచి ప్రశంసలు కూడా దక్కాయి. ఇప్పుడు ఆయన మహేష్ బాబు హీరోగా ఒక సినిమా చేయాల్సి ఉంది. ఈ సినిమా ఇంకా పట్టాలెక్కలేదు. ప్రస్తుతానికి ప్రీ ప్రొడక్షన్ శరవేగంగానే జరుగుతున్నాయి.

HYDRA: చెరువుల పున‌రుజ్జీవ‌నంపై హైడ్రా ఫోకస్..

ఇక ఈ సినిమా కోసం రాజమౌళి ఆర్టిఫిషియల్ ఇంటెలిజెన్స్ నేర్చుకోబోతున్నాడని తెలుస్తోంది. దాన్ని సినిమా మేకింగ్ లో ఎలా వాడవచ్చు అనే విషయాన్ని ఆయన నేర్చుకోబోతున్నాడని తెలుస్తోంది. ఇప్పటికే ఆయన ఆర్టిఫిషియల్ ఇంటెలిజెన్స్ కి సంబంధించి పలు క్లాసులకు కూడా అటెండ్ అయ్యారని ఈ నేపథ్యంలో ఈ సినిమా ఎలా ఉండబోతుందో ఇక మీ ఊహకే వదిలేస్తున్నాం అంటూ రాజమౌళి సన్నిహితులు చెబుతున్నారు. ఇక ఈ సినిమా 2025 మొదటిలో పట్టాలెక్కే అవకాశం ఉంది. విజువల్ ఎఫెక్ట్స్ తో పాటు సినిమా మేకింగ్ లో ఆర్టిఫిషియల్ ఇంటెలిజెన్స్ ని రాజమౌళి త్వరలోనే ప్రవేశపెట్టబోతున్నట్లుగా తెలుస్తోంది.