Pushpa – 2 : RRR ట్రైలర్ రికార్డును పుష్ప – 2 బ్రేక్ చేసేనా..?

 

ఐకాన్‌స్టార్‌ అల్లు అర్జున్‌, సుకుమార్‌ సన్సేషనల్‌ కాంబినేషన్‌లో వస్తోన్న సినిమా ‘పుష్ప-2’ . విడుదల సమయం దగ్గరపడే కొద్దీ రోజు రోజుకు పుష్ప-2 చిత్రంపై అంచనాలు భారీగా పెరుగుతున్నాయి. ఇప్పటికే విడుదలైన టీజర్‌, రెండు పాటలు సినిమాపై మరింత అంచనాలు పెంచేశాయి. డిసెంబరు 5న వరల్డ్ వైడ్ గా రిలీజ్ కానున్న పుష్ప 2 ప్రమోషన్స్ ను నేడు జరగబోయే ప్రీ రిలీజ్ ఈవెంట్ తో మొదలెట్టనున్నారు మైత్రీ మూవీ మేకర్స్.

ఇక మరి కొన్ని గంటల్లో పాన్ ఇండియా మోస్ట్ అవైటెడ్ సినిమా పుష్ప -2 ట్రైలర్ విడుదల కాబోతుంది. ఇందుకోసం బీహార్ లోని పాట్నాలోని గాంధీ మైదాన్ ముస్తాబు అవుతోంది.విడుదలకు ఒకరోజు ముందుగానే ఫ్యాన్స్ హంగామా మొదలెట్టారు. కాగా ఇప్పుడు టాలీవుడ్ లో ఈ సినిమా ట్రైలర్ పై అందరిలోనూ ఒక ఆసక్తికర చర్చ నడుస్తోంది. అదేంటంటే ఈ పుష్ప -2 ట్రైలర్ రాజమౌళి దర్శకత్వం వహించిన ‘ RRR ‘ సినిమా ట్రైలర్ రికార్డును బ్రేక్ చేస్తుందా లేదా అనేది డిస్కషన్ నడుస్తోంది. ముఖ్యంగా లైక్స్ విషయంలో RRR సినిమా 24 గంటల్లో 1.24 మిలియన్ లైక్స్ తో టాలీవుడ్ మోస్ట్ లైక్డ్ ట్రైలర్ గా ఆల్ టైమ్ రికార్డు క్రియేట్ చేసింది. ఇక వ్యూస్ పరంగా చూస్తే టాలీవుడ్ సూపర్ స్టార్ మహేష్ బాబు హీరోగా త్రివిక్రమ్ దర్శకత్వంలో వచ్చిన గుంటూరు కారం ట్రైలర్ 24 గంటల్లో 37.68 మిలియన్స్ తో టాప్ 1 లో ఉంది. ఇప్పుడు బన్నీ సుక్కు కలయికలో రాబోతున్న పుష్ప -2 ట్రైలర్ ఆ రెండు సినిమాల రికార్డ్స్ బద్దలు కొడుతుందో లేదో చూడాలి.