Simbu: శివన్న హిట్ సినిమాలో శింబు…

కన్నడ సూపర్ స్టార్ శివన్న నటించిన సూపర్ హిట్ సినిమాల్లో ‘మఫ్టీ’ ఒకటి. ఒక రౌడీ గురించి ఎంక్వయిరీ చెయ్యడానికి అండర్ కవర్ లో వచ్చిన పోలిస్ ఆఫీసర్, ఆ రౌడీ గురించి ఏం తెలుసుకున్నాడు? అతని కథ ఏంటి? అనే ఎలిమెంట్స్ తో పూర్తిస్థాయి కమర్షియల్ సినిమాగా ‘మఫ్టీ’ రూపొందింది. ఇందులోని శివన్న లుక్ నే వీర సింహా రెడ్డి సినిమాలో సీనియర్ బాలయ్య క్యారెక్టర్ కి డిజైన్ చేశాడు గోపీచంద్ మలినేని. శ్రీమురళి పోలిస్ రోల్ ప్లే చేసిన ఈ సినిమాని తమిళ్ లో రీమేక్ చేస్తున్నాడు యంగ్ హీరో శింబు. శివన్న ప్లే చేసిన రోల్ లో శింబు నటిస్తుండగా, శ్రీమురళి పాత్రలో గౌతమ్ కార్తీక్ కనిపించనున్నాడు. డైరెక్ట్ కృష్ణ తెరకెక్కిస్తున్న ఈ రీమేక్ సినిమాకి ‘పత్తు తల’ అనే టైటిల్ ని ఫిక్స్ చేశారు. షూటింగ్ పార్ట్ కంప్లీట్ చేసుకున్న ఈ మూవీ నుంచి ‘నమ్మ సత్తం’ అనే సాంగ్ రేపు మధ్యాహ్నం 12:06 నిమిషాలకి బయటకి రానుంది.

ఈ విషయాన్ని అనౌన్స్ చేస్తూ మేకర్స్ ‘నమ్మ సత్తం’ సాంగ్ ప్రోమోని రిలీజ్ చేశారు. 30 సెకండ్లు కూడా లేని ఈ ప్రోమో సాంగ్ సోషల్ మీడియాలో ట్రెండ్ అవుతుంది. #NammaSatham అనే ట్యాగ్ ని క్రియేట్ చేసి కోలీవుడ్ సినీ అభిమానులు ట్విట్టర్ లో ట్రెండ్ చేస్తున్నారు. సాంగ్ కి ట్రెండ్ చేసినా ఒక అర్థం ఉంది కానీ ఇలా ప్రోమోకే ఎందుకు ఇంత హడావుడి చేస్తున్నారు అనుకుంటున్నారా? దానికి కారణం ‘పత్తు తల’ సినిమాకి మ్యూజిక్ కంపోజ్ చేసింది, ‘నమ్మ సత్తం’ సాంగ్ కి లిరిక్స్ రాసి పాడింది కూడా రెహమాన్ కాబట్టి. ఇసైపుయల్ గా పేరు తెచ్చుకున్న రెహమాన్ మ్యూజిక్ కంపోజ్ చేసి, ఆయనే లిరిక్స్ రాసి, సాంగ్ పాడాడు అంటే ఆ సాంగ్ ఎలా ఉంటుందో ఒక అంచనాకి రావచ్చు. మరి ఆ అంచనాలని రెహమాన్ ఎంత వరకూ అందుకుంటాడు? తన మ్యాజిక్ ని ‘నమ్మ సత్తం’ సాంగ్ లో చూపిస్తాడా లేదా అనేది తెలియాలి అంటే రేపటి వరకూ ఆగాల్సిందే.

Get ready for a Peppy-Trendy-Fresh musical from Isaipuyal @arrahman

Here's the glimpse of #NammaSatham, First Single from @SilambarasanTR_ @Gautham_Karthik starrer #PathuThala releasing tomorrow 12.06AM @SonyMusicSouthhttps://t.co/gaKorJiM0D pic.twitter.com/5zCVapnBi7

— Studio Green (@StudioGreen2) February 2, 2023