Actor Bala: కోట్ల ఆస్తి కోసం 4వ పెళ్లి చేసుకున్న నటుడు

ఈమధ్య మాజీ భార్యతో ఏర్పడిన వివాదం కారణంగా అరెస్ట్ అయి బయటకొచ్చిన మలయాళ నటుడు బాలా మళ్లీ పెళ్లి చేసుకున్నాడు. ఎర్నాకులంలోని కలూర్ పావకులం ఆలయంలో వీరి వివాహం జరిగింది. బాలాకి మేనమామ కూతురు కోకిలతో వివాహమైంది. తాను మళ్లీ పెళ్లి చేసుకుంటానని బాలా ఇప్పటికే ప్రకటించాడు. ఇటీవల మీడియాతో ఇంటరాక్షన్ సందర్భంగా, బాలా తాను మళ్లీ పెళ్లి చేసుకోబోతున్నానని పేర్కొన్నాడు. వారికి చెందిన రూ. 250 కోట్ల విలువైన ఆస్తులను చూసుకోవాలనుకుంటున్నానని అన్నాడు. అయితే అప్పుడు పెళ్లికూతురు ఎవరనే విషయాన్ని మాత్రం అతడు వెల్లడించలేదు. బాలా మాజీ భార్యతో ఏర్పడిన ఒక చిన్న గొడవ ఇటీవల వివాదాస్పదమైంది.

The RajaSaab Motion Poster: బర్త్‌డే ట్రీట్ అదిరిందిగా.. ‘రాజాసాబ్‌’ సరికొత్తగా ఉన్నాడు!

అయితే బాలా మళ్లీ పెళ్లి చేసుకున్న తర్వాత, నటుడి వైవాహిక జీవితానికి సంబంధించిన పోస్ట్ సోషల్ మీడియాలో వైరల్ అవుతోంది. ఈ పోస్ట్‌లో నటుడి మొదటి వివాహానికి సంబంధించిన కొన్ని విషయాలు కూడా ఉన్నాయి. బాలా తొలి విడాకుల గురించి హిమ నివేద్ కృష్ణ అనే యువతి బయటపెట్టింది. ఈ వివాహానికి సంబంధించిన కొన్ని పత్రాలను కూడా హిమ పోస్ట్ షేర్ చేసింది. “బాల కుమార్ గారు చందన సదాశివ అనే పేద కన్నడ అమ్మాయిని పెళ్లాడి, విడాకులు ఇచ్చి, ఆ పంతొమ్మిదేళ్ల అమ్మాయి(అమృత సురేష్)ని పెళ్లి చేసుకోవడం సరైనదేనా?” ఆమెతో విడిపోయి మూడో పెళ్లి చేసుకున్న ఎలిజబెత్ ఎక్కడ? అని ఆమె ప్రశ్నించింది. బాలా మొదటి పెళ్లికి సంబంధించి కోర్టులో దాఖలైన పిటిషన్‌లోని కొంత భాగాన్ని పోస్ట్ షేర్ చేసింది. ఇది 2008లో జరిగినట్లు తెలుస్తోంది. బాలా 2010లో గాయని అమృత సురేష్ ని పెళ్లాడాడు, 2019 లో విడాకులు తీసుకున్నాడు. తన మాజీ భార్య తన కుమార్తెను చూడకుండా అడ్డుకున్నాడని బాలా ఆరోపించారు. మొత్తం మీద ఇప్పుడు బాలా నాలుగో పెళ్లి హాట్ టాపిక్ అయింది.