L2E : మోహన్ లాల్ ‘లూసిఫర్ – 2’ రిలీజ్ డేట్ వచ్చేసింది..

కంప్లిట్ స్టార్ మోహన్ లాల్ హీరోగా మలయాళ స్టార్ హీరో పృథ్వీరాజ్‌ సుకుమారన్‌ దర్శకత్వంలో తెరకెక్కిన పొలిటికల్‌ యాక్షన్‌ థ్రిల్లర్‌ ‘లూసిఫర్‌’. 2019 లో రిలీజ్ అయిన ఈ సినిమా అన్ని రికార్డులను బద్దలు కొడుతూ మలయాళ ఆల్ టైమ్ ఇండస్ట్రీ హిట్ గా నిలిచింది. ఈ సినిమాను టాలీవుడ్ మెగా స్టార్ చిరంజీవి హీరోగా మోహన రాజా దర్శకత్వంలో గాడ్ ఫాదర్ పేరిట రీమేక్ కూడా చేసారు. కానీ ఇక్కడ అంతగా వర్కౌట్ అవ్వలేదు.

Also Read : Vishwam : చడీ చప్పుడు లేకుండా ఓటీటీలో దిగిన ‘విశ్వం’

కాగా మలయాళం లో లూసిఫర్ ను తెరకెక్కించిన పృథ్వీరాజ్‌ సుకుమారన్‌ ఈ సినిమాకు సిక్వెల్ గా ఎల్ -2 (Lucifer -2 ) ను ప్రకటించాడు. మోహ‌న్‌లాల్ పుట్టిన‌రోజు సంద‌ర్భంగా ‘ఎల్2 ఎంపురాన్’లో ఖురేషి అబ్ర‌మ్‌గా సూప‌ర్‌ స్టార్ లుక్‌నురిలీజ్ చేయగా అద్భుత స్పందన రాబట్టింది. తాజాగా ఈ సినిమా రిలీజ్ డేట్ ను ప్రకటించారు మేకర్స్. వచ్చే ఏడాదికి సమ్మర్ కానుకగా మార్చి 27న ఈ సినిమాను రిలీజ్ చేస్తున్నామని అధికారంగా ప్రకటిస్తూ పోస్టర్ రిలీజ్ చేసారు మేకర్స్. పార్ట్ – 1 ను కేవలం మలయాళంలో మాత్రమే రిలీజ్ చేయగా పార్ట్ -2 గా వస్తున్న “ఎల్ -2 ఎంపురాన్” ను పాన్ ఇండియా బాషలలో తీసుకురాబోతున్నారు. భారీ బ‌డ్జెట్ చిత్రాల‌ను నిర్మించే సంస్థ గా పేరున్న చిత్ర నిర్మాణ సంస్థ‌ లైకా ప్రొడ‌క్ష‌న్స్‌ ఈ క్రేజీ ప్రాజెక్ట్‌ని నిర్మిస్తోంది. ప్రస్తుతం షూటింగ్ దశలో ఉన్న ఈ సినిమాను త్వర‌లో గుజరాత్, యూఏఈలో షూటింగ్ చేయనున్నారు.