Kannappa : కన్నప్ప.. రెబల్ స్టార్ ఫస్ట్ లుక్ వచ్చేసింది..

డైనమిక్ హీరో విష్ణు మంచు డ్రీమ్ ప్రాజెక్ట్‌గా ‘కన్నప్ప’ చిత్రం భారీ ఎత్తున రూపొందుతోంది. అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్లపై మంచు మోహన్ బాబు నిర్మిస్తున్న ఈ చిత్రానికి ముఖేష్ కుమార్ సింగ్ దర్శకత్వం వహిస్తున్నారు. ఏప్రిల్ 25, 2025న ఈ సినిమా గ్రాండ్ గా విడుదల కానుంది. ఇప్పటికే ఈ చిత్రం నుంచి వచ్చిన ఫస్ట్ లుక్ పోస్టర్లు, టీజర్ అందరినీ ఆకట్టుకున్నాయి. ఇక ఈ మూవీ ప్రమోషన్స్‌ను ఇటీవల బెంగుళూరులో ప్రారంభించాడు చిత్ర హీరో మంచు విష్ణు.

Also Read : KA 11 : ‘కిరణ్ అబ్బవరం నూతన చిత్రం ‘KRAMP’

కాగా ఈ చిత్రంనుండి ఇప్పటికే హీరో మంచు విష్ణు, మోహన్ బాబు, మలయాళ స్టార్ మోహన్ లాల్ తో పాటు తమిళ స్టార్ హీరో శరత్ కుమార్ అలాగే బాలీవుడ్ నటుడు అక్షయ్ కుమార్ ఫస్ట్ లుక్  విడుదల చేసారు మేకర్స్. అయితే ఈ సినిమాలో పాన్ ఇండియా రెబల్ స్టార్ ప్రభాస్ ఓ ముఖ్య పాత్రలో కనిపించనున్నారు. దాదాపు 40 నిమిషాల పాటు ప్రభాస్ ఈ సినిమాలో దర్శనమిస్తాడని తెలుస్తోంది. తాజాగా ఈ చిత్రంలోని  రెబల్ స్టార్ ఫస్ట్ లుక్ పోస్టర్ ను రిలీజ్ చేసారు మేకర్స్. ప్రభాస్ ఈ సినిమాలో రుద్రా అనే పాత్రలో కనిపించనున్నాడు అని ప్రకటిస్తూ పోస్టర్ రిలీజ్ చేసారు. ప్రస్తుతం ఈ పోస్టర్ సోషల్ మీడియాలో వైరల్ గా మారింది. మంచు విష్ణు కెరీర్ లోనే అత్యంత భారీ బడ్జెట్ పై మోహన్ బాబు నిర్మిస్తున్న ఈ సినిమాను పాన్ ఇండియా భాషలలో నిర్మిస్తున్నారు.