Himaja: నన్ను నేనే నమ్మలేనంత అందంగా తయారయ్యా!

హైదరాబాద్‌లోని మణికొండలో ప్రముఖ నటి హిమజ ‘గ్రీన్ ట్రెండ్స్ యూనిసెక్స్ హెయిర్ అండ్ స్టైల్ సెలూన్’ ఫ్రాంఛైజీని ఘనంగా ప్రారంభించారు. అత్యాధునిక సాంకేతికతతో కూడిన హెయిర్ స్టైలింగ్ మరియు నాణ్యమైన మేకోవర్ సేవలను మణికొండ వాసులకు ఈ సెలూన్ అందించనుందని నిర్వాహకులు వెల్లడించారు. ఈ క్రమంలో నటి హిమజ మాట్లాడుతూ, “గ్రీన్ ట్రెండ్స్ గురించి చెప్పనవసరం లేదు. భారతదేశం నలుమూలలా దీని బ్రాంచీలు విజయవంతంగా నడుస్తున్నాయి. నీటి నుంచి నిప్పు వరకు అందంగా కనిపించాలని ప్రతి ఒక్కరూ కోరుకుంటున్న ఈ రోజుల్లో, గ్రీన్ ట్రెండ్స్ ఉత్తమ ఎంపిక. ఇక్కడ నా మేకోవర్ చేసుకున్న తర్వాత నన్ను నేనే నమ్మలేనంత అందంగా తయారయ్యాను. మీరు కూడా ఇక్కడ మీకు నచ్చిన స్టైల్‌లో మేకోవర్ చేసుకోవచ్చు. యమున, విజయ్ గారు గ్రీన్ ట్రెండ్స్‌ను ఎంచుకోవడంలోనే విజయం సాధించారు. ఈ ఫ్రాంఛైజీ వారికి మరింత విజయాన్ని చేకూర్చాలని కోరుకుంటున్నాను,” అన్నారు.