First Time : ఏఐకి సవాల్ విసురుతూ ‘హ్యూమన్ ఇంటెలిజెన్స్’తో వీఎఫ్‌ఎక్స్ వండర్?

ఆర్టిఫిషియల్ ఇంటెలిజెన్స్ (AI) రాజ్యమేలుతున్న ఈ రోజుల్లో.. దానికి ఏమాత్రం ఆస్కారం ఇవ్వకుండా కేవలం (HI – Human Intelligence) తో అద్భుతమైన వీఎఫ్‌ఎక్స్ సృష్టించి తెరకెక్కించిన విజువల్ వండర్ ‘ఫస్ట్ టైం’ అని సినిమా టీం ప్రకటించింది. దర్శకుడు హేమంత్ ఇప్పలపల్లి అత్యంత ప్రతిష్టాత్మకంగా కథ, ఎడిటింగ్, వీఎఫ్‌ఎక్స్‌తో పాటు దర్శక-నిర్మాతగా బాధ్యతలు చేపట్టి వన్ మ్యాన్ షోగా ఈ చిత్రాన్ని రూపొందించారని తాజా ప్రీ రిలీజ్ ఈవెంట్లో వెల్లడించారు. తక్కువ బడ్జెట్‌లో కనీవినీ ఎరుగని హై-టెక్నికల్ వాల్యూస్‌తో, భారతదేశంలోనే అతిపెద్ద ప్రతిష్టాత్మక వీఎఫ్‌ఎక్స్ చిత్రంగా వస్తున్న ఈ సినిమా ప్రీ-రిలీజ్ వేడుక జరిగింది.

ఈ వేడుకకు ముఖ్య అతిథిగా బోల్డ్ అండ్ బ్యూటిఫుల్ హీరోయిన్ పాయల్ రాజ్‌పుత్ విచ్చేసి ప్రత్యేక ఆకర్షణగా నిలిచారు. చిత్రబృందానికి మొదటి నుంచి వెన్నెముకగా నిలుస్తున్న ఆమె మాట్లాడుతూ.. “దర్శకుడు హేమంత్ ఈ సినిమా కోసం తన సర్వం ధారపోశారు. రేపు థియేటర్లలో విడుదలయ్యాక అందరూ ఇందులో వాడిన విజువల్ ఎఫెక్ట్స్ (VFX) గురించే మాట్లాడుకుంటారు. బాక్సాఫీస్ వద్ద ఈ మూవీ సరికొత్త రికార్డులు సృష్టిస్తుంది. హీరోగా పరిచయం అవుతున్న సౌరబ్ ఎంతో డెడికేషన్‌తో పనిచేశాడు” అంటూ ప్రశంసల వర్షం కురిపించారు. హీరో సౌరబ్ ధింగ్ర సైతం పాయల్ రాజ్‌పుత్ ఇచ్చిన మద్దతును గుర్తుచేసుకుంటూ వేదికపై ఎమోషనల్ అయ్యారు.