Devara : మాస్ జాతర మొదలైపోయింది!

Devara Fans Hungama at Sudarshan Theatre: జూనియర్ ఎన్టీఆర్ హీరోగా నటించిన దేవర సినిమా మరికొద్ది గంటల్లో ప్రేక్షకుల ముందుకు వచ్చేస్తోంది. జూనియర్ ఎన్టీఆర్ సోలో హీరోగా నటించిన చాలా కాలమైంది. అరవింద సమేత వీర రాఘవ సినిమా తర్వాత ఆయన రాజమౌళి దర్శకత్వంలో ఆర్ఆర్ఆర్ అనే సినిమా చేశాడు. ఈ సినిమాలో జూనియర్ ఎన్టీఆర్ తో పాటు రామ్ చరణ్ కూడా హీరోగా నటించాడు. ఒకరకంగా అది మల్టీ స్టారర్ ఆ సినిమా తర్వాత జూనియర్ ఎన్టీఆర్ ఎలాంటి కథతో ప్రేక్షకులు ముందుకు వస్తాడా అని అందరూ ఆసక్తిగా ఎదురుచూస్తున్న సమయంలో కొరటాల శివ దర్శకత్వంలో దేవర అనే సినిమాతో ప్రేక్షకుల ముందుకు వచ్చేందుకు సిద్ధమవుతున్నాడు.

Puja Khedkar: ఢిల్లీ హైకోర్టులో ఉపశమనం.. అరెస్ట్ నుంచి రక్షణ పొడిగింపు

ఇక ఈ దేవర ఫీవర్ మామూలుగా లేదు. ఇప్పటికే అనేక రికార్డులు బదులు కొట్టే దిశగా ప్రీ బుకింగ్స్ నమోదు అయ్యాయి. ఇక తాజాగా హైదరాబాదులో సినీ ప్రేమికులకు కేరాఫ్ అడ్రస్ గా నిలిచే ఆర్టీసీ క్రాస్ రోడ్స్ లోని సుదర్శన్ థియేటర్ దగ్గర పెద్దపెద్ద ఎల్ఈడి స్క్రీన్స్ తో జూనియర్ ఎన్టీఆర్ అభిమానులు సంబరాలు జరుపుకుంటున్నారు. రాత్రి ఒంటిగంటకు అక్కడ స్పెషల్ ఫ్యాన్స్ బెనిఫిట్ షో పడాలి. అయితే అంతకుముందే సినిమాలోని పాటలను పెద్ద సౌండ్ తో ప్లే చేస్తూ వీడియోలు ప్లే చేస్తూ అభిమానులు అందరూ ఎంజాయ్ చేస్తున్నారు. దానికి సంబంధించిన వీడియోలు, ఫోటోలు ఇప్పుడు సోషల్ మీడియాలో వైరల్ అవుతున్నాయి. ఒకరకంగా చెప్పాలంటే దేవర జాతర మొదలైపోయింది అంటూ సోషల్ మీడియాలో ఆ వీడియోలను ఫోటోలను షేర్ చేస్తున్నారు. అభిమానులు మరి ఇంకెందుకు ఆలస్యం మీరు కూడా చూసేయండి.