Bagheera : భార్య కోసం తెలుగు నేర్చుకున్న కన్నడ స్టార్ హీరో

ఉగ్రమ్ ఫేమ్ రోరింగ్ స్టార్ శ్రీమురళి ఎక్సయిటింగ్ యాక్షన్ ఎంటర్‌టైనర్ ‘బఘీర’తో అలరించబోతున్నారు. ప్రశాంత్ నీల్ ఈ చిత్రానికి కథ అందించారు. డాక్టర్ సూరి దర్శకత్వం వహిస్తున్నారు. ప్రముఖ నిర్మాణ సంస్థ హోంబలే ఫిలింస్ బ్యానర్‌పై విజయ్ కిరగందూర్ ఈ చిత్రాన్ని నిర్మించారు.  దీపావళి కానుకగా అక్టోబర్ 31న ప్రపంచవ్యాప్తంగా థియేటర్లలో బఘీర ​విడుదల కానుంది. ఈ సందర్భంగా హీరో శ్రీమురళి  గురించి కొన్ని విశేషాలు మీకోసం

Also Read : YASH : KGF – 3 ఫిక్స్.. యశ్ కీలక వ్యాఖ్యలు

ఉగ్రం సినిమాతో కన్నడ ఇండస్ట్రీలో అడుగుపెట్టిన హీరో శ్రీ మురళి. ఈ సినిమాతోనే దర్శకుడిగా తన సినీ ప్రయాణం మొదలు పెట్టాడు ఇప్పటి స్టార్ డైరెక్టర్ ప్రశాంత్ నీల్. శ్రీ మురళి ఎవరో కాదు ప్రశాంత్ నీల్ కు స్వయానా బావ. ప్రశాంత్ నీల్ చెల్లెలు విద్యాను ప్రేమించి పెళ్లిచేసుకున్నారు. 9 ఏళ్ల పాటు ప్రేమించుకున్న వీరివురు పెద్దల అంగీకారంతో వైవాహిక జీవితంలోకి అడుపెట్టారు. విద్య కుటుంబ సభ్యుల స్వస్థలం ఆంధ్రప్రదేశ్ లోని నెల్లూరు. భార్య తెలుగింటి అమ్మాయి కావడంతో ఆమె కోసం తెలుగు స్పష్టంగా నేర్చుకున్నాడట శ్రీ మురళి. ఇప్పటికి ఇంట్లో తెలుగులో మాట్లాడుకుంటారు.  ఉగ్రం బ్లాక్ బస్టర్ హిట్ గా  నిలవడంతో వరుస సూపర్ హిట్ సినిమాలలో నటించాడు ఈ హీరో. ఇక కన్నడ కంటివర రాజ్ కుమార్ ఫ్యామిలీకి శ్రీమురళి దగ్గర బంధువు. శివ రాజ్ కుమార్ శ్రీమురళికి వరుసకు మామ. ఇక శ్రీ మురళి కెరీర్ లోనే బిగ్గెస్ట్ బడ్జెట్ మూవీ గా తెరకెక్కిన ‘బఘీర’ను తెలుగులో ఏషియన్ సురేష్ మూవీస్ విడుదల చేస్తోంది.