Eagle Force: యూనివర్సిటీ క్యాంపస్లలో డ్రగ్స్ నెట్వర్క్లపై ‘ఈగిల్ ఫోర్స్’ ఉక్కుపాదం
- Follow Us :
-
-
Add as a preferred
source on google
Eagle Force: తెలంగాణలోని ప్రముఖ విశ్వవిద్యాలయాల క్యాంపస్లలో విస్తరిస్తున్న మాదకద్రవ్యాల ముఠాలపై తెలంగాణ ‘ఈగిల్ ఫోర్స్’ నిఘా పెంచింది. గచ్చిబౌలిలోని హైదరాబాద్ సెంట్రల్ యూనివర్సిటీ (HCU), నల్సార్ (NALSAR), గీతం (GITAM) వర్సిటీలలో గంజాయి సరఫరా, వినియోగానికి సంబంధించి దాడులు నిర్వహించి కీలక నిందితులను అదుపులోకి తీసుకుంది. ఈగిల్ ఫోర్స్ టోల్-ఫ్రీ నంబర్ (1185) ద్వారా అందిన సమాచారంతో అక్టోబర్ 29న హెచ్సీయూ విద్యార్థులు భరద్వాజ్ (27), ఆనంద్ (26)లను అదుపులోకి తీసుకుని పరీక్షించగా వారికి గంజాయి వాడినట్లు (THC పాజిటివ్) తేలింది. వీరిచ్చిన వివరాలతో గౌలిదొడ్డిలో నివాసముంటున్న నేపాల్కు చెందిన సెక్యూరిటీ గార్డు బికాష్ సింగ్ అలియాస్ జంగ్ (30)ను అరెస్ట్ చేశారు. ఇతని వద్ద నుంచి 150 గ్రాముల గంజాయి (24 ప్యాకెట్లు), మొబైల్ ఫోన్ స్వాధీనం చేసుకున్నారు. అస్సాంకు చెందిన ‘రైజ్’ నుంచి సరుకు తెచ్చి, వర్సిటీ సౌత్ గేట్ సమీపంలో ఒక్కో ప్యాకెట్ను ₹500 నుంచి ₹1,000 వరకు విక్రయిస్తున్నట్లు జంగ్ అంగీకరించాడు.
ఈ కేసులో గచ్చిబౌలి పీఎస్లో గత ఆగస్టులో నంబర్ 1030 ఆధారంగా చేపట్టిన దర్యాప్తులో సందేష్ (24) అనే విద్యార్థితో పాటు, అతనికి గంజాయి విక్రయిస్తున్న మాజీ విద్యార్థి బిశ్వజిత్ కలితా (28)ను అరెస్ట్ చేసి 10 గ్రాముల గంజాయిని స్వాధీనం చేసుకున్నారు. ఈ రెండు కేసుల్లో కలిపి ఇప్పటివరకు మొత్తం 24 మంది హెచ్సీయూ విద్యార్థులు గంజాయి వినియోగిస్తున్నట్లు తేలింది. విద్యార్థుల భవిష్యత్తు దృష్ట్యా వారి తల్లిదండ్రులను పిలిపించి కౌన్సిలింగ్ ఇవ్వాలని, అవసరమైతే డీ-అడిక్షన్ కేంద్రాలకు పంపాలని వర్సిటీ వీసీకి ఈగిల్ ఫోర్స్ లేఖ రాయనుంది. నల్సార్ వర్సిటీ హాస్టళ్లలో గంజాయి సరఫరాపై అందిన సమాచారం ఆధారంగా 17 మంది విద్యార్థుల పాత్రపై అధికారులు దర్యాప్తు చేస్తున్నారు. మరోవైపు, వర్సిటీ సమీపంలోని నైట్ టీ స్టాల్ వద్ద జరిగిన రోడ్డు ప్రమాదంలో ఓ విద్యార్థి మరణించగా, అతని వద్ద గంజాయి ప్యాకెట్ లభించింది. ప్రమాద సమయంలో బైక్పై ఉన్న మరో విద్యార్థికి గంజాయి పాజిటివ్ వచ్చింది.
Also Read
- TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
- Maharashtra: అక్రమ సంబంధం.. సుపారీ హత్య.. భర్త స్నేహితురాలిని చంపించిన భార్య..
- Drug Racket: DRI మెరుపు దాడులు.. రూ.700 కోట్ల విలువైన డ్రగ్స్ పట్టివేత..
- Bihar Robbery: బీహార్లో పట్టపగలే భారీ దోపిడీ.. గోల్డ్ షోరూమ్లో కోట్ల విలువైన నగలు చోరీ!
గీతం వర్సిటీకి చెందిన 22 ఏళ్ల విద్యార్థి నానక్రామ్గూడ పరిసరాల్లో గంజాయి కొనుగోలు చేస్తూ పట్టుబడగా, పటాన్చెరు పీఎస్లో కేసు నమోదు చేశారు. వర్సిటీ క్యాంపస్లో అధికారులు తనిఖీలు చేపట్టి, మరో విద్యార్థికి గంజాయి పాజిటివ్ వచ్చినట్లు గుర్తించారు. యాంటీ డ్రగ్ కమిటీ సమన్వయంతో విద్యార్థులకు, వారి తల్లిదండ్రులకు అధికారులు కౌన్సిలింగ్ నిర్వహించారు. డ్రగ్స్ బారిన పడిన యువతను కాపాడేందుకు సమాజం, తల్లిదండ్రులు, విద్యాసంస్థలు కలిసి రావాలని ఈగిల్ ఫోర్స్ పిలుపునిచ్చింది. సమాచారం అందించేందుకు టోల్-ఫ్రీ 1908 లేదా వాట్సాప్ 87126 71111 నంబర్లలో సంప్రదించాలని, సమాచారం ఇచ్చినవారి వివరాలు గోప్యంగా ఉంచుతామని స్పష్టం చేసింది.
తాజావార్తలు
-
Suryakumar Yadav: “ప్రధాని మోడీని కలిశాకే నా లక్ మారింది.. మళ్లీ ఫామ్లోకి వచ్చా”.. సూర్యకుమార్ ఆసక్తికర వ్యాఖ్యలు..
-
Lamborghini Temerario Spyder: 920HP ఇంజిన్తో Lamborghini కొత్త సూపర్కార్.. 343 kmph టాప్ స్పీడ్
-
Koti Deepotsavam 2026 Day 7: కార్తీక శుక్రవారం.. ప్రబోధిని ఏకాదశి.. కోటి దీపోత్సవంలో నేటి విశేషాలివే!
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
PUC New Rules 2026: కారు, బైక్ యజమానులకు గుడ్ న్యూస్.. ఇక 3 ఏళ్ల వరకు PUC రెన్యువల్ అవసరం లేదు!
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!