Anil Ravipudi: వీకెండ్ కూడా వర్కింగ్ డేనే.. అనిల్ రావిపూడి టీమ్ దూకుడు మామూలుగా లేదుగా!

Anil Ravipudi: టాలీవుడ్‌లో వరుస సక్సెస్‌లతో దూసుకుపోతున్న డైరెక్టర్ అనిల్ రావిపూడి.. ప్రస్తుతం తన నెక్ట్స్ సినిమాను శరవేగంగా తెరకెక్కిస్తున్నారు. వచ్చే ఏడాది సంక్రాంతి కానుకగా ఈ సినిమాను ప్రేక్షకుల ముందుకు తీసుకురావాలని లక్ష్యంగా పెట్టుకున్న చిత్రబృందం.. షూటింగ్‌ను ఏమాత్రం ఆలస్యం చేయకుండా నాన్‌స్టాప్‌గా కొనసాగిస్తున్నట్లు తెలుస్తోంది. ఆదివారం, సెలవు రోజులు అనే తేడా లేకుండా వరుస షెడ్యూల్స్‌లో షూటింగ్ జరుగుతున్నట్లు సమాచారం. సంక్రాంతి సీజన్‌లో ఈ చిత్రాన్ని రిలీజ్ చేస్తామని మేకర్స్ సినిమా లాంచ్ డే రోజునే ప్రకటించారు. దీంతో అనుకున్న సమయానికి చిత్రీకరణ పూర్తి చేసేందుకు యూనిట్ వేగంగా పనిచేస్తున్నట్లు ఇండస్ట్రీ వర్గాలు చెబుతున్నాయి. షూటింగ్‌ను వేగంగా పూర్తి చేస్తున్నప్పటికీ సినిమా క్వాలిటీ విషయంలో మేకర్స్ ఎక్కడా రాజీ పడటం లేదనే టాక్ వినిపిస్తోంది.

అనిల్ రావిపూడితో పాటు నిర్మాణ సంస్థ కూడా ప్రతి సన్నివేశాన్ని అత్యుత్తమంగా తెరకెక్కించేందుకు ప్రత్యేక శ్రద్ధ తీసుకుంటున్నట్లు సమాచారం. ముఖ్యంగా ప్రొడక్షన్ క్వాలిటీ, విజువల్ స్కేల్ విషయంలో ప్రత్యేక శ్రద్ధ తీసుకుంటున్నట్లు తెలుస్తోంది. ఇప్పటికే చిత్రీకరించిన సన్నివేశాల అవుట్‌పుట్ అద్భుతంగా రావడంతో చిత్రబృందంలో మరింత ఉత్సాహం పెరిగినట్లు సమాచారం. సంక్రాంతి రిలీజ్‌కు ముందే షూటింగ్‌తో పాటు పోస్ట్ ప్రొడక్షన్ పనులను కూడా పూర్తి చేయాలని మేకర్స్ ప్లాన్ చేస్తున్నారట. వచ్చే ఏడాది సంక్రాంతి సీజన్ టాలీవుడ్‌కు అత్యంత కీలకమైన రిలీజ్ విండో కావడంతో.. వెంకీ – అనిల్ 5 పై భారీ అంచనాలు నెలకొన్నాయి. పండుగ వాతావరణానికి తగ్గట్టుగా పూర్తి స్థాయి కమర్షియల్ ఎంటర్‌టైనర్‌గా అనిల్ రావిపూడి ఈ చిత్రాన్ని తెరకెక్కిస్తున్నట్లు సమాచారం. ఈ క్రేజీ మల్టీస్టారర్‌లో విక్టరీ వెంకటేష్ – నందమూరి కళ్యాణ్‌లు హీరోలుగా నటిస్తుండగా, కీర్తి సురేష్ – కృతి శెట్టి హీరోయిన్స్‌గా సందడి చేయబోతున్నారు. భారీ తారాగణంతో తెరకెక్కుతున్న ఈ సినిమాతో సంక్రాంతి బరిలో మరో బిగ్ హిట్ కొట్టాలని అనిల్ రావిపూడి టీమ్ గట్టిగా ప్లాన్ చేస్తున్నట్లు తెలుస్తోంది.