Bhola Shankar: భోళా మేనియా షురూ.. టీజర్ వచ్చేది ఎప్పుడంటే.. ?

Bhola Shankar: మెగాస్టార్ చిరంజీవి ఈ ఏడాది వాల్తేరు వీరయ్యతో భారీ విజయాన్ని అందుకున్న విషయం తెల్సిందే. ఈ సినిమా తరువాత చిరు నటిస్తున్న చిత్రం భోళా శంకర్. మెహర్ రమేష్ దర్శకత్వం వహిస్తున్న ఈ చిత్రాన్ని ఏకే ఎంటర్ టైన్మెంట్స్ బ్యానర్ పై రామబ్రహ్మం సుంకర నిర్మిస్తున్నాడు. ఈ సినిమాలో చిరు సరసన తమన్నా నటిస్తుండగా.. చిరుకు చెల్లిగా కీర్తి సురేష్ నటిస్తోంది. ఇప్పటికే ఈ చిత్రం నుంచి రిలీజ్ అయిన సాంగ్, పోస్టర్స్ ప్రేక్షకులను విశేషంగా ఆకట్టుకున్నాయి. ఇక ఈ సినిమా ఆగస్టు 11 న ప్రేక్షకుల ముందుకు రానుంది. రిలీజ్ డేట్ దగ్గరపడడంతో ప్రమోషన్స్ మొదలుపెట్టిన మేకర్స్ ఈ సినిమా నుంచి టీజర్ ను రిలీజ్ చేయడానికి ముహూర్తం ఖరారు చేశారు.
NTR: దేవర.. ఒక్కరిని తట్టుకోవడమే కష్టం అంటే ఇద్దరా.?

జూన్ 24 న ఈ టీజర్ ను రిలీజ్ చేస్తున్నట్లు మేకర్స్ తెలిపారు. ” మునుపెన్నడూ లేని విధంగా ఎంతో ఉత్సాహంతో మెగా సెలబ్రేషన్ కోసం సిద్ధంగా ఉండండి.. భోళా శంకర్ టీజర్ జూన్ 24 న వస్తుంది” అని మేకర్స్ చెప్పుకొచ్చారు. ప్రస్తుతం ఈ పోస్ట్ నెట్టింట వైరల్ గా మారింది. ఈ సినిమా తమిళ్ లో సూపర్ హిట్ అయిన వేదాళం రీమేక్ గా తెరకెక్కుతున్న విషయం తెల్సిందే. ఈ సినిమాపై మెగా అభిమానులు చాలా ఆశలు పెట్టుకున్నారు. మరి ఈ సినిమాతో చిరు మరో హిట్ ను అందుకుంటాడో లేదో చూడాలంటే మరికొన్ని రోజులు ఆగాల్సిందే.,