Aggipette Maccha : యూట్యూబ్‌ కమెడియన్‌ ‘అగ్గిపెట్టె మచ్చ’ మృతి..

తన మార్క్ కామెడీతో, డిఫరెంట్ డైలాగ్ డెలివరీతో సోషల్ మీడియాలో విపరీతంగా ఆకట్టుకున్న ప్రముఖ యూట్యూబర్ ‘అగ్గిపెట్టె మచ్చ’ (కిరణ్ కుమార్) కన్నుమూశారు. గత నాలుగు రోజులుగా తీవ్ర అనారోగ్యంతో బాధపడుతున్న ఆయన, తిరుపతిలోని సిమ్స్ ఆస్పత్రిలో జాయిన్ అయి చికిత్స తీసుకుంటున్నారు. డాక్టర్లు కాపాడటానికి ప్రయత్నించినప్పటికీ ఆరోగ్యం బాగా క్షీణించడంతో ఆయన కన్నుమూశారు.

‘అగ్గిపెట్టె మచ్చ’గా నెటిజన్లలో మంచి గుర్తింపు

యూట్యూబ్, సోషల్ మీడియా ప్లాట్‌ఫామ్స్‌లో తన కామెడీ టైమింగ్‌తో కిరణ్ కుమార్ తక్కువ సమయంలోనే మంచి పాపులారిటీ సంపాదించుకున్నారు. ‘అగ్గిపెట్టె మచ్చ’ అనే పేరుతోనే ప్రతి ఒక్కరికీ బాగా దగ్గరయ్యారు. ఆయన చేసిన కామెడీ వీడియోలు, మీమ్స్ సోషల్ మీడియాలో భలే వైరల్ అయ్యేవి. డిజిటల్ స్పేస్‌లో తనకంటూ ఒక స్పెషల్ ఇమేజ్‌ తెచ్చుకున్న కిరణ్ చిన్న వయసులోనే చనిపోవడంపై నెటిజన్లు తీవ్ర విచారం వ్యక్తం చేస్తున్నారు.