Balayya: అందుకేగా అందరూ జై బాలయ్య అనేది.. అభిమాని కోసం ఏం చేశాడో చూశారా?

Balakrishna Photo with Disabled fan goes Viral in Social Media: నందమూరి వారసుడు బాలకృష్ణ ఒకపక్క సినిమాల్లో హీరోగా నటిస్తూనే మరోపక్క రాజకీయం కూడా చేస్తూ బిజీ బిజీగా గడుపుతున్న సంగతి తెలిసిందే. వాస్తవానికి ఆయన అభిమానులతో కాస్త దురుసుగా ప్రవర్తిస్తాడని భావిస్తూ ఉంటారు. దానికి కారణం ఆయన అభిమానుల మీద చేయి చేసుకున్న వీడియోలు కొన్ని సోషల్ మీడియాలో వైరల్ కావడమే. అయితే ఆయనను సన్నిహితంగా చూసిన వారు మాత్రం అలాంటిదేమీ లేదని ఆయన చాలా మంచి వాడని, చిన్నపిల్లాడి మనసు కలవాడని చెబుతూ ఉంటారు. అయితే నందమూరి బాలకృష్ణ తాజాగా చేసిన ఒక పని మాత్రం సోషల్ మీడియాలో హాట్ టాపిక్ అవుతోంది. అసలు విషయం ఏమిటంటే ప్రస్తుతానికి ఆయన తన నియోజకవర్గమైన హిందూపురంలో పర్యటిస్తున్నారు. ఈ క్రమంలో ఆయనను కలిసేందుకు ఆయన అభిమాని ఒకరు కార్యాలయానికి వచ్చారు.

MM keeravaani Interview: ‘ఆస్కార్’తో కొంచెం కూడా ఉపయోగం లేదు: కీరవాణి ఇంటర్వ్యూ

అయితే ఆ అభిమాని దివ్యాంగుడు కావడంతో లేచి బాలకృష్ణతో మాట్లాడి ఫోటో దిగలేని పరిస్థితి ఏర్పడింది. వెంటనే విషయం అర్థం చేసుకున్నా నందమూరి బాలకృష్ణ తానే మోకాళ్ళ మీద కూర్చుని అభిమానితో ఫోటోలకి ఫోజులు ఇచ్చారు. ఈ ఫోటో ఇప్పుడు సోషల్ మీడియాలో వైరల్ అవుతుంది. ఒక మాజీ ముఖ్యమంత్రి కుమారుడు, ఒక మాజీ ముఖ్యమంత్రికి వియ్యంకుడు తాను స్వయంగా ఎమ్మెల్యే అయినా సరే ఏమాత్రం భేషజాలకు పోకుండా తనను అభిమానించే వారి కోసం ఇలా నేల మీద కూర్చున్నాడు అంటూ ఆయన అభిమానులు సోషల్ మీడియాలో తమ హీరో గురించి గొప్పగా కామెంట్ చేస్తున్నారు. ఇక బాలకృష్ణ సినిమాల విషయానికొస్తే చివరిగా వీరసింహారెడ్డి అనే సినిమాతో ఆయన ప్రేక్షకులను పలకరించారు. ఆ తర్వాత భగవాన్ కేసరి అనే సినిమాతో ప్రేక్షకుల ముందు వచ్చి మరో హిట్టు కూడా అందుకున్నాడు. ఇక ప్రస్తుతానికి ఆయన బాబి దర్శకత్వంలో ఒక సినిమా చేస్తున్నాడు.