Allu Arjun: సోషియో ఫాంటసీ డ్రామాతో మాంత్రికుడు రెడీ?
అల్లు అర్జున్ ని స్టైలిష్ స్టార్ గా మార్చింది జులాయి సినిమా. మాటల మాంత్రికుడి కలం పదును జులాయి సినిమాలో కనిపిస్తుంది. ఒకేలా ఆలోచించే ఇద్దరు వ్యక్తులు ఒకరు హీరో-ఇంకొకరు విలన్ అయితే ఎలా ఉంటుంది అనే ఆలోచన నుంచి మొదలైన జులాయి అల్లు అర్జున్ ని స్టార్ గా మార్చేసింది. సన్నాఫ్ సత్యమూర్తి సినిమాతో అల్లు అర్జున్ లోని నటుడిని ఆడియన్స్ కి మరోసారి పరిచయం చేసాడు త్రివిక్రమ్. ఈ సినిమాలో ఉన్నంత సెటిల్డ్ గా అల్లు అర్జున్ ఇంకో సినిమాలో కనిపించడు. ఇక అల్లు అర్జున్ కి పాన్ ఇండియా హిట్ ఇస్తూ త్రివిక్రమ్ అల వైకుంఠపురములో సినిమా చేసాడు. నాన్-బాహుబలి హిట్ గా నిలిచిన ఈ సినిమాలో బంటుగా అల్లు అర్జున్ ఫ్యామిలీ ఆడియన్స్ ని రిపీట్ మోడ్ లో థియేటర్స్ కి రప్పించాడు. ఇలా మూడుసార్లు మూడు రకాల సినిమాలు చేసి హిట్ కొట్టారు త్రివిక్రమ్ అండ్ అల్లు అర్జున్.
అల్లు అర్జున్ త్రివిక్రమ్ తో కలిసిన ప్రతిసారి ఒక మెట్టు పైకి ఎక్కుతూనే ఉన్నాడు. ఇలాంటి కాంబినేషన్ త్వరలో సినిమా స్టార్ట్ చేయడానికి రెడీ అవుతోంది. పుష్ప 2 కంప్లీట్ అవ్వగానే సెట్స్ పైకి వెళ్లనున్న ఈ సినిమా ఇప్పటికే అఫీషియల్ గా అనౌన్స్ అయ్యింది. గుంటూరు కారం నుంచి త్రివిక్రమ్ ఫ్రీ అయిపోయాడు కాబట్టి ఇకపై అల్లు అర్జున్ సినిమా పనులు మొదలుపెట్టే అవకాశం ఉంది. ఇండస్ట్రీలో వినిపిస్తున్న టాక్ ప్రకారం అల్లు అర్జున్-త్రివిక్రమ్ కలిసి సోషియో ఫాంటసీ జానర్ లో సినిమా చేయబోతున్నారు. ఇదే నిజమైతే త్రివిక్రమ్ అల్లు అర్జున్ లోని ఇంకో టాలెంట్ ని బయటకి తీసినట్లే. అయితే ఇప్పుడు అందరిలో ఉన్న డౌట్ ఏంటి అంటే… గుంటూరు కారం సినిమా పోయింది కాబట్టి అల్లు అర్జున్-త్రివిక్రమ్ ఉంటుందా అటకెక్కుతుందా? అని… ఈ డౌట్ క్లియర్ అవ్వాలి అంటే మరి కొన్ని రోజులు వెయిట్ చేయాల్సిందే.