Akkineni Nagarjuna: ఏంటీ బాసూ.. ఇంకా సినిమా సెట్స్ మీదకు వెళ్లలేదా.. ?

Akkineni Nagarjuna: అక్కినేని నాగార్జున ప్రస్తుతం బిగ్ బాస్ తో బిజీగా ఉన్న విషయం తెల్సిందే. ఇక గతేడాది నుంచి ఇప్పటివరకు నాగ్ కొత్త సినిమాను ప్రకటించింది లేదు. ఈ మధ్యనే నాగ్ పుట్టినరోజున నా సామీ రంగా అనే సినిమాతో వస్తున్నట్లు మేకర్స్ ప్రకటించారు. ఈ సినిమాతో కొరియోగ్రాఫర్ విజయ్ బిన్నీ డైరెక్టర్ గా మారుతున్నాడు. మలయాళంలో సూపర్ హిట్ అయిన పోరింజు మరియమ్ జోస్ సినిమాకు రీమేక్ గా ఈ చిత్రం తెరకెక్కుతుందని టాక్. ఇక ఈ చిత్రానికి ప్రసన్న కుమార్ కథను అందిస్తున్నాడు. అంతేకాకుండా ఈ సినిమాలో అల్లరి నరేష్ కీలక పాత్రలో నటిస్తున్నాడని వార్తలు వినిపిస్తున్నాయి. నాగ్ పుట్టినరోజున ఈ సినిమా ఫస్ట్ గ్లింప్స్ ను రిలీజ్ చేశారు.

Kalki2898AD: చంద్రబాబుకు సపోర్ట్ చేసి.. అశ్వినీదత్.. ప్రభాస్ ను రిస్క్ లో పెట్టాడా.. ?

వచ్చే ఏడాది సంక్రాంతికి నా సామీ రంగా ను రిలీజ్ చేస్తున్నట్లు మేకర్స్ తెలిపారు. అయితే అందుతున్న సమాచారం ప్రకారం ఈ సినిమా ఇంకా సెట్స్ మీదకే వెళ్లలేదట. కేవలం నాగ్ కు బర్త్ డే విషెస్ చెప్పడానికి మాత్రమే ఆ ప్రోమో వరకు షూట్ చేసి రిలీజ్ చేసారట. త్వరలోనే ఈ సినిమా పట్టాలెక్కనుందని తెలుస్తోంది. ప్రస్తుతం క్యాస్టింగ్ ను వెతికే పనిలో ఉన్నారట మేకర్స్. ఇక ఈ విషయం తెలియడంతో ఫ్యాన్స్ షాక్ అవుతున్నారు. ఏంటీ బాసూ.. ఇంకా సినిమా సెట్స్ మీదకు వెళ్లలేదా.. ? అంటూ కామెంట్స్ చేస్తున్నారు. సంక్రాంతికి ఇంకా మూడు నెలలే టైమ్ ఉంది. ఈ మూడు నెలల్లో సినిమాను పూర్తి చేసి, ప్రమోషన్స్ చేసి రిలీజ్ చేయడమంటే మాములు విషయం కాదు. మరి ఈ మూడు నెలల్లో నాగ్ ఎంత కష్టపడి ఈ సినిమాను పూర్తిచేస్తాడో చూడాలి.