Gold and Silver Price Crash: మళ్లీ కుప్పకూలిన బంగారం, వెండి ధరలు.. వెండి రూ.6 వేలు, బంగారం రూ.3 వేలు పతనం..!
- Follow Us :
-
-
Add as a preferred
source on google
Gold and Silver Price Crash: బంగారం, వెండి కొనుగోలు చేయాలనుకునే వారికి శుభవార్త.. దేశీయ మార్కెట్లో ఈ విలువైన లోహాల ధరలు మరోసారి భారీగా పడిపోయాయి. బుధవారం మల్టీ కమోడిటీ ఎక్స్ఛేంజ్ (MCX)లో ట్రేడింగ్ ప్రారంభమైన వెంటనే వెండి, బంగారం ధరలు ఒక్కసారిగా కుప్పకూలాయి. కిలో వెండి ధర ఏకంగా రూ.6,000కు పైగా తగ్గగా, 10 గ్రాముల 24 క్యారెట్ల బంగారం ధర కూడా రూ.3,000కు పైగా పడిపోయింది..
రూ.6,000కు పైగా తగ్గిన వెండి..
ఈ రోజు MCXలో వెండి ఫ్యూచర్స్ ట్రేడింగ్ ప్రారంభం కాగానే భారీ పతనం నమోదైంది. వెండి ఫ్యూచర్స్ ధర మంగళవారం కిలోకు రూ.1,69,702 వద్ద ముగిసింది. అయితే బుధవారం ట్రేడింగ్ ప్రారంభమైన వెంటనే రూ.1,63,533కు పడిపోయింది. దీంతో ఒక్కసారిగా కిలో వెండిపై రూ.6,000కు పైగా తగ్గుదల నమోదైంది. ఇక, వెండి ధరలు ఇటీవల నమోదైన జీవితకాల గరిష్ఠ స్థాయి నుంచి గణనీయంగా తగ్గాయి. జనవరి 29న ఫ్యూచర్స్ ట్రేడింగ్లో కిలో వెండి ధర చారిత్రాత్మకంగా రూ.4,20,048 స్థాయికి చేరుకుంది. తాజా ధరల ప్రకారం చూస్తే, వెండి తన గరిష్ఠ స్థాయితో పోలిస్తే భారీగా చౌకబడింది. బుధవారం నమోదైన పతనం వెండి మార్కెట్లో మరోసారి చర్చనీయాంశంగా మారింది. అంతేకాదు.. గత నెలతో పోలిస్తే నవంబర్లోనూ వెండి ధరలు తగ్గుముఖం పట్టాయి. అక్టోబర్ 30న చివరి ట్రేడింగ్ రోజున కిలో వెండి ధర రూ.1,79,132 వద్ద ముగిసింది. నవంబర్ 18 నాటికి అది రూ.1,63,533కు పడిపోయింది. అంటే ఈ నెలలో ఇప్పటివరకు కిలో వెండి ధర ఏకంగా రూ.15,599 మేర తగ్గింది.
Also Read
- Gold and Silver Price: కొనేవారికి గుడ్ న్యూస్.. భారీగా పడిపోయిన బంగారం, వెండి ధరలు
- Gold and Silver Prices Fall: పసిడి ప్రియులకు గుడ్న్యూస్.. భారీగా తగ్గిన బంగారం, వెండి ధరలు
- Maxwell Engineering Solutions IPO Listing: 90% ప్రీమియంతో లిస్టింగ్..ఇన్వెస్టర్లకు భారీ లాభాలు..!
- Stock Market Rally: స్టాక్ మార్కెట్లో బుల్ జోరు.. సెన్సెక్స్ 2,000 పాయింట్ల జంప్.. ఇన్వెస్టర్లకు కాసుల వర్షం..!
10 గ్రాముల బంగారంపై రూ.3,000కు పైగా పతనం
వెండితో పాటు బంగారం ధరలు కూడా భారీగా తగ్గాయి. 10 గ్రాముల బంగారం ధర మంగళవారం రూ.1,34,223 వద్ద ముగిసింది. అయితే, బుధవారం ట్రేడింగ్ ప్రారంభమైన వెంటనే రూ.1,31,065కు పడిపోయింది. దీంతో 10 గ్రాముల 24 క్యారెట్ల బంగారంపై రూ.3,000కు పైగా తగ్గుదల నమోదైంది. ఇక, ఈ నెలలో బంగారం ధరల తగ్గుదల కూడా గణనీయంగానే ఉంది. అక్టోబర్ 30న 10 గ్రాముల 24 క్యారెట్ల బంగారం ధర రూ.1,38,485గా ఉంది. నవంబర్ 18 నాటికి అది రూ.1,31,065కు పడిపోయింది. అంటే నవంబర్లో ఇప్పటివరకు 10 గ్రాముల బంగారం ధర రూ.7,420 మేర తగ్గింది. మరోవైపు హైదరాబాద్ బులియన్ మార్కె్ట్లోనూ బంగారం, వెండి ధరలు పతనం అయ్యాయి.. 24 క్యారెట్ల 10 గ్రాముల బంగారం ధర రూ.2,780 తగ్గి రూ.1,33260కి దిగి రాగా.. 22 క్యారెట్ల 10 గ్రాముల ధర రూ.2,550 తగ్గి.. రూ.1,22,150కి పడిపోయింది.. ఇక, ఏకంగా రూ.5,000కి తగ్గడంతో కిలో వెండి ధర రూ.1,85,000కు పరిమితమైంది.. మొత్తంగా చూస్తే బంగారం, వెండి రెండింటి ధరల్లోనూ ఈ నెలలో గణనీయమైన పతనం నమోదైంది.
తాజావార్తలు
-
Gold and Silver Price Crash: మళ్లీ కుప్పకూలిన బంగారం, వెండి ధరలు.. వెండి రూ.6 వేలు, బంగారం రూ.3 వేలు పతనం..!
-
Chiru Leaks: చిరు లీక్స్.. ‘కాకా’లో అసలు సస్పెన్స్ రివీల్ చేసిన చిరంజీవి!
-
Akvan Cyclone: అక్వాన్ తుఫాన్ ముప్పు.. హోంమంత్రి అనిత సమీక్ష.. అత్యవసర సహాయం కోసం టోల్ఫ్రీ నంబర్లు..
-
Kulgam Encounter: అల్లాహ్ను కలవాలని ఉంది.. నేను చాలా సంతోషంగా ఉన్నా.. ఎన్కౌంటర్కు ముందు లతీఫ్ భట్ చివరి మాటలు!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
ట్రెండింగ్
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..
-
SRH-IPL 2027: హెడ్కు గుడ్బై.. మరో 8 మంది అవుట్.. ఎస్ఆర్హెచ్ రిటెన్షన్, రిలీజ్, పర్స్ డీటెయిల్స్ ఇవే!
-
MS Dhoni Drone Show: రెండు కళ్లు చాలవుగా చూడడానికి.. ధోనీ రెటైమెంట్తో ప్రత్యేక డ్రోన్ షో నిర్వహించిన సీఎస్కే..!
-
IPL 2027 Retentions: ధోనీ ఔట్.. ట్రావిస్ హెడ్, స్టార్క్కు షాక్.. 10 జట్ల రిటెన్షన్, రిలీజ్, పర్స్ డీటెయిల్స్ ఇవే!
-
200MP కెమెరా, AMOLED సెకండరీ డిస్ప్లే, 6,000mAh బ్యాటరీతో Xiaomi 18 Pro లాంచ్..!