Prabhas: వీళ్ళు ఫ్యాన్స్ కాదయ్యా.. డై హార్ట్ ఫ్యాన్స్.. లక్షమందికి మించే

Prabhas: తిరుపతి మొత్తం డార్లింగ్ ఫ్యాన్స్ తో నిండిపోయింది. అయోధ్య సెట్ లో ఆదిపురుష్ ప్రీ రిలీజ్ ఈవెంట్ ఘనంగా ప్రారంభమయ్యింది. ఉదయం నుంచి ప్రభాస్ ఫ్యాన్స్ చేసిన రచ్చ అంతా ఇంతా కాదు. ఎప్పుడెప్పుడు ఈ అయోధ్యలోకి రాముడు ఎంట్రీ ఇస్తాడా అని ప్రభాస్ ఫ్యాన్స్ ఎదురుచూస్తున్నారు. ఇక ఇప్పటికే ఈవెంట్ మొదలైపోయింది. యాంకర్స్ ఝాన్సీ, ప్రదీప్.. అభిమానులను ఉర్రూతలూగిస్తున్నారు. ఇంకోపక్క ఇప్పుడే ప్రభాస్ తిరుమల నుంచి తిరుపతికి చేరుకున్నాడు. ఎప్పుడైనా రాఘవ రాముడి ఆగమనం ఉండొచ్చు. ఇక ప్రభాస్ ఫ్యాన్స్ అంటే .. మాములుగా ఉండదు. అక్కడ ఒక ఈవెంట్ జరుగుతున్నట్లుగా లేదు. ఒక దేవుడికి జాతర జరుగుతుంటే ఎలా ఉంటుందో అలా ఉంది.

2018 Movie: 2018 మూవీ ఓటిటీ క్యాన్సిల్.. ఇండస్ట్రీకి పట్టిన దరిద్రం అదే..?

ఒక్కరు కాదు ఇద్దరు కాదు.. దాదాపు లక్షమందికి మించే అభిమానులు. వారి కేరింతలు.. జై శ్రీరామ్ నినాదాలతో తిరుపతి మొత్తం మారుమ్రోగిపోతుంది. ఇక ఈ ఈవెంట్ టాప్ యాంగిల్ ఫోటో ఒకటి నెట్టింట వైరల్ గా మారింది. దాదాపు లక్ష మంది అభిమానులు ఆ డ్రోన్ కెమెరాలో బంధించబడ్డారు. అసలు వాళ్ళందరూ మనుషులేనా.. ? గ్రాఫిక్స్ నా అనుకోని పొరపాటు పడక్కర్లేదు. కచ్చితంగా వారందరు డార్లింగ్ అభిమానులే. ప్రభాస్ కు డై హార్ట్ ఫ్యాన్స్. ఎండ, వాన అని లేకుండా ప్రభాస్ ను చేసేవరకు కదలని అభిమానం వారిది. ఎప్పుడెప్పుడు వారి రాముడి దర్శనం జరుగుతుందా అని వేయికళ్లతో ఎదురుచూస్తున్నారు. మరి రాఘవరాముడు ఎప్పుడు వారిని పలకరిస్తాడో చూడాలి.