AA23: హీరోయిన్ లేదు.. రొమాన్స్ లేదు! బన్నీ కెరీర్‌లోనే అతిపెద్ద ప్రయోగంగా ‘AA23’?

AA23: ఐకాన్ స్టార్ అల్లు అర్జున్, స్టార్ డైరెక్టర్ లోకేష్ కనగరాజ్ కాంబినేషన్‌లో తెరకెక్కనున్న ‘AA23’ సినిమాపై ఇప్పటికే భారీ అంచనాలు ఉన్నాయి. అయితే తాజాగా ఈ సినిమాకు సంబంధించిన ఓ వార్త సోషల్ మీడియాలో వైరల్‌గా మారింది. ఈ చిత్రంలో హీరోయిన్ పాత్రతో పాటు రొమాంటిక్ ట్రాక్ కూడా ఉండదని సినీ వర్గాల్లో జోరుగా ప్రచారం జరుగుతోంది. తాజా సమాచారం ప్రకారం.. లోకేష్ కనగరాజ్ ఈ చిత్రాన్ని పూర్తిగా యాక్షన్ స్టోరీతో తెరకెక్కించనున్నట్లు టాక్. కథలో ప్రధానంగా యాక్షన్, ఎమోషన్స్, థ్రిల్లింగ్ ఎలిమెంట్స్‌కే ప్రాధాన్యం ఉండేలా ప్లాన్ చేస్తున్నారట.

ఈ ప్రచారం నిజమైతే, అల్లు అర్జున్ కెరీర్‌లో ఇది అత్యంత విభిన్నమైన, సాహసోపేతమైన ప్రాజెక్ట్‌గా నిలవనుందని ట్రేడ్ వర్గాలు చెబుతున్నాయి. స్టార్ హీరో సినిమా అంటే తప్పనిసరిగా హీరోయిన్, లవ్ స్టోరీ, పాటలు ఉంటాయనే ఫార్ములాకు భిన్నంగా ఈ చిత్రం ఉండే అవకాశం కనిపిస్తోంది. ఇప్పటికే ‘ఖైదీ’, ‘విక్రమ్’ వంటి చిత్రాల్లో హీరోయిన్ లేకుండా రొమాంటిక్ సినిమా ట్రాక్ లేకుండానే భారీ సక్సెస్ అందుకున్న లోకేష్ కనగరాజ్.. అదే తరహా ఫార్ములాను ఇప్పుడు అల్లు అర్జున్ సినిమాకూ అనుసరిస్తున్నారనే ప్రచారం మరింత ఆసక్తిని పెంచుతోంది. అయితే ఈ విషయంపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు. పుష్పా సినిమాతో నేషనల్ వైడ్‌గా ప్రత్యేక క్రేజ్ సంపాదించుకున్న అల్లు అర్జున్ ప్రస్తుతం తన నెక్ట్స్ చిత్రాల విషయంలో చాలా జాగ్రత్తలు తీసుకుంటున్నారు. ప్రస్తుతం ఆయన అట్లీ డైరెక్షన్‌లో రాకా చిత్రం చేస్తుండగా, ఇదే సమయంలో లోకేష్ కనకరాజ్ డైరెక్షన్‌లో ఒక క్రేజీ ప్రాజెక్ట్‌ను అనౌన్స్ చేసిన సంగతి తెలిసిందే. తాజాగా సమాచారంతో ఈ ప్రాజెక్ట్‌పై బన్నీ అభిమానులతో పాటు సినిమా వర్గాల్లోనూ ఈ చిత్రంపై ప్రత్యేకమైన బజ్ క్రియేట్ అయ్యింది.