Monsoon Diseases: వర్షాకాలంలో విజృంభించే ప్రమాదకర వ్యాధులు ఇవే… వైద్యుల హెచ్చరిక
- Follow Us :
-
-
Add as a preferred
source on google
Monsoon Diseases: ఇంత కాలం ఎండలు దంచికొట్టాయి.. వర్షాల సీజన్ ప్రారంభమైనా.. ఇక పూర్తిస్థాయిలో వర్షాలు కురవడం లేదు.. అయితే, వర్షాకాలం ఎండల నుంచి ఉపశమనం కలిగించినప్పటికీ, అనేక అంటువ్యాధుల వ్యాప్తికి అనుకూల పరిస్థితులను కూడా సృష్టిస్తుంది. వర్షాల కారణంగా నిల్వ నీరు, అధిక తేమ, నీటి కాలుష్యం పెరగడంతో దోమలు, బ్యాక్టీరియా, వైరస్లు వేగంగా వ్యాప్తి చెందుతాయి. అందుకే ఈ కాలంలో ఆరోగ్యం విషయంలో మరింత అప్రమత్తంగా ఉండాలని వైద్య నిపుణులు సూచిస్తున్నారు.
వైద్యులు చెబుతున్న వివరాల ప్రకారం, వర్షాకాలంలో ప్రధానంగా డెంగీ, మలేరియా, చికున్గున్యా, లెప్టోస్పిరోసిస్, టైఫాయిడ్, కలరా, హెపటైటిస్-ఏ వంటి వ్యాధులు ఎక్కువగా వ్యాపిస్తాయని చెబుతున్నారు..
Also Read
- Dosa Making Tips : దోస వేసే ముందు పెనంపై నీళ్లు ఎందుకు చల్లుతారు?.. దీని వెనుక ఉన్న అసలు సీక్రెట్ ఇదే!
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
- Low Cost House Construction: రూ.5 లక్షలకే సొంత ఇల్లు.. ఇటుకలు, సిమెంట్ లేకుండానే నిర్మాణం..? అద్భుతమైన టెక్నాలజీ!
- Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
డెంగీ
నిల్వ నీటిలో పెరిగే ఏడిస్ దోమల ద్వారా డెంగీ వ్యాపిస్తుంది. అధిక జ్వరం, తీవ్రమైన తలనొప్పి, కండరాలు, కీళ్ల నొప్పులు, చర్మంపై దద్దుర్లు దీని ప్రధాన లక్షణాలు. దోమల పెరుగుదలను అరికట్టడం, దోమతెరలు, రిపెల్లెంట్లు ఉపయోగించడం ద్వారా ప్రమాదాన్ని తగ్గించవచ్చు.
మలేరియా
అనోఫిలిస్ దోమల ద్వారా వ్యాపించే మలేరియాలో చలి వణుకుతో కూడిన జ్వరం, అలసట, రక్తహీనత కనిపిస్తాయి. నిల్వ నీరు తొలగించడం, దోమల నివారణ చర్యలు చేపట్టడం అవసరం.
చికున్గున్యా
ఏడిస్ దోమల ద్వారా వ్యాపించే ఈ వైరల్ వ్యాధిలో తీవ్రమైన కీళ్ల నొప్పులు, జ్వరం, వాపులు వారాల తరబడి కొనసాగవచ్చు.
లెప్టోస్పిరోసిస్
వరద నీరు లేదా జంతువుల మూత్రంతో కలుషితమైన నీటి ద్వారా వ్యాపించే ఈ బ్యాక్టీరియా ఇన్ఫెక్షన్ శరీరంలోని చిన్న గాయాల ద్వారా ప్రవేశిస్తుంది. అధిక జ్వరం, తలనొప్పి, కండరాల నొప్పి దీని లక్షణాలు. తీవ్రమైన సందర్భాల్లో కాలేయం, మూత్రపిండాలపై ప్రభావం చూపే అవకాశం ఉంది.
టైఫాయిడ్
కలుషితమైన ఆహారం, నీటి ద్వారా వ్యాపించే టైఫాయిడ్లో దీర్ఘకాలిక జ్వరం, కడుపునొప్పి, బలహీనత, తలనొప్పి కనిపిస్తాయి. పరిశుభ్రమైన ఆహారం, తాగునీరు తీసుకోవడం అత్యంత ముఖ్యం.
కలరా
కలుషిత నీటి ద్వారా వ్యాపించే కలరా వల్ల తీవ్రమైన విరేచనాలు, వాంతులు, డీహైడ్రేషన్ సంభవించవచ్చు. సురక్షితమైన తాగునీరు తీసుకోవడం ద్వారా దీన్ని నివారించవచ్చు.
హెపటైటిస్-ఏ
కలుషితమైన ఆహారం, నీటి ద్వారా వ్యాపించే ఈ వైరల్ వ్యాధి కాలేయాన్ని ప్రభావితం చేస్తుంది. కామెర్లు, అలసట, వికారం, కడుపు నొప్పి వంటి లక్షణాలు కనిపిస్తాయి.
వర్షాకాలంలో ఎలా జాగ్రత్తపడాలి?
వర్షాకాలంలో నిల్వ నీటిని తొలగించడం, దోమల నివారణ చర్యలు తీసుకోవడం, మరిగించిన లేదా శుద్ధి చేసిన నీటిని మాత్రమే తాగడం, ఆహార పరిశుభ్రత పాటించడం, వ్యక్తిగత పరిశుభ్రతను కాపాడుకోవడం చాలా ముఖ్యం. జ్వరం, విరేచనాలు లేదా ఇతర లక్షణాలు కనిపించిన వెంటనే వైద్యులను సంప్రదిస్తే సమస్యలు తీవ్రమయ్యే ప్రమాదాన్ని తగ్గించవచ్చని వైద్యులు సూచిస్తున్నారు.
తాజావార్తలు
-
Chiru Leaks: చిరు లీక్స్.. ‘కాకా’లో అసలు సస్పెన్స్ రివీల్ చేసిన చిరంజీవి!
-
Akvan Cyclone: అక్వాన్ తుఫాన్ ముప్పు.. హోంమంత్రి అనిత సమీక్ష.. అత్యవసర సహాయం కోసం టోల్ఫ్రీ నంబర్లు..
-
Kulgam Encounter: అల్లాహ్ను కలవాలని ఉంది.. నేను చాలా సంతోషంగా ఉన్నా.. ఎన్కౌంటర్కు ముందు లతీఫ్ భట్ చివరి మాటలు!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
IFFI అవార్డుకు నామినేట్ అయిన తొలి తెలుగు వెబ్ సిరీస్గా చరిత్ర సృష్టించిన ‘మయసభ’..!
ట్రెండింగ్
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..
-
SRH-IPL 2027: హెడ్కు గుడ్బై.. మరో 8 మంది అవుట్.. ఎస్ఆర్హెచ్ రిటెన్షన్, రిలీజ్, పర్స్ డీటెయిల్స్ ఇవే!
-
MS Dhoni Drone Show: రెండు కళ్లు చాలవుగా చూడడానికి.. ధోనీ రెటైమెంట్తో ప్రత్యేక డ్రోన్ షో నిర్వహించిన సీఎస్కే..!
-
IPL 2027 Retentions: ధోనీ ఔట్.. ట్రావిస్ హెడ్, స్టార్క్కు షాక్.. 10 జట్ల రిటెన్షన్, రిలీజ్, పర్స్ డీటెయిల్స్ ఇవే!
-
200MP కెమెరా, AMOLED సెకండరీ డిస్ప్లే, 6,000mAh బ్యాటరీతో Xiaomi 18 Pro లాంచ్..!