Rajasthan: మున్సిపల్ ఎన్నికల్లో బీజేపీ ప్రభంజనం.. గిరిజన ప్రాంతాల్లో భారీ విజయం
- మున్సిపల్ ఎన్నికల్లో బీజేపీ ప్రభంజనం
- గిరిజన ప్రాంతాల్లో భారీ విజయం
- ఆకట్టుకోలేకపోయిన హస్తం పార్టీ
- Follow Us :
-
-
Add as a preferred
source on google
రాజస్థాన్ మున్సిపల్ ఎన్నికల్లో బీజేపీ ఆధిపత్యం చెలాయించింది. చిన్న పట్టణాలు, గిరిజన ప్రాంతాల్లో భారీ విజయం అందుకుంది. రైతులు అధికంగా ఉన్న ప్రాంతాల్లో స్వతంత్ర అభ్యర్థులు బలం పుంజుకున్నారు. రాష్ట్రంలోని 10 మున్సిపల్ కార్పొరేషన్లలో ఆసక్తికరమైన పరిస్థితి తలెత్తింది. 10 మున్సిపల్ కార్పొరేషన్లలో ఐదింటిని భారతీయ జనతా పార్టీ (బీజేపీ) గెలుచుకోగా.. ఒకదానిని కాంగ్రెస్ గెలుచుకుంది. నాలుగు మున్సిపల్ కార్పొరేషన్లలో హంగ్ తీర్పు కొనసాగుతోంది.
మున్సిపాలిటీ- 252
బీజేపీ-144
కాంగ్రెస్ -92
స్వతంత్రులు – 16
Also Read
- India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
- INDIA Bloc: ఎన్నికల సంఘానికి 48 ప్రశ్నలు.. సుప్రీంకోర్టులో INDIA కూటమి పిటిషన్!
- UP Elections 2027: అయోధ్య, కాశీ తర్వాత మధురపై బీజేపీ గురి.. కృష్ణ జన్మభూమి అజెండాలోకి!
- Amitabh Bachchan: ‘‘బుల్లెట్ ప్రూఫ్ కూడా కాపాడదు’’.. అమితాబ్ బచ్చన్కు గ్యాంగ్స్టర్ బెదిరింపులు..
మున్సిపల్ కౌన్సిల్-47
బీజేపీ-21
కాంగ్రెస్ -17
స్వతంత్రులు – 9
ఈ ఎన్నికల్లో బీజేపీ విజయం సాధించడానికి అనేక కీలక అంశాలు దోహదపడ్డాయి. యువతకు ఉద్యోగాలు కల్పించడం, పేపర్ లీక్లను నివారించడం వల్లే భజన్ లాల్ ప్రభుత్వం విజయం సాధించిందని భావిస్తున్నారు. అయితే ప్రధాన నగరాల్లో యూజీసీకి వ్యతిరేకంగా జరిగిన నిరసనలు పార్టీ పనితీరుపై ప్రభావం చూపాయి. మరోవైపు కాంగ్రెస్ పార్టీ పేలవమైన పనితీరును కనబరిచింది. బీజేపీ వ్యతిరేక సెంటిమెంట్పై ఎక్కువగా ఆధారపడిందని, ఎన్నికలలో పూర్తిగా నిమగ్నం కాలేదని అంటున్నారు. అంతేకాకుండా అంతర్గత విభేదాలు, నీట్ పేపర్ లీక్, యువత సమస్యలపై మౌనం వహించడం వంటివన్నీ పార్టీ ఓటమికి దోహదపడ్డాయి.
రాజస్థాన్ పురపాలక ఎన్నికలలో భారతీయ జనతా పార్టీ 4,000కు పైగా వార్డులను గెలుచుకుని అద్భుతమైన విజయాన్ని సాధించింది. మరోవైపు, కాంగ్రెస్ 3,450కి పైగా వార్డులలో విజయం సాధించగా, స్వతంత్ర అభ్యర్థులు 2,400కు పైగా స్థానాలను గెలుచుకున్నారు. కేంద్ర మంత్రి అర్జున్ రామ్ మేఘ్వాల్ నియోజకవర్గమైన బికనీర్లో బీజేపీ ఘోర పరాజయాన్ని చవిచూసింది. బీజేపీ జాతీయ ఉపాధ్యక్షురాలు వసుంధరా రాజే నియోజకవర్గమైన ఝలావర్లో కూడా ఆ పార్టీ ఓటమి పాలైంది.
ఇదిలా ఉండగా రాజస్థాన్లోని దీద్వానా-కుచమన్ జిల్లాలో జరిగిన పర్బత్సర్ మున్సిపల్ కార్పొరేషన్ ఎన్నికల ఫలితం చర్చనీయాంశంగా మారింది. వివిధ వార్డులలో, భారతీయ జనతా పార్టీ (బీజేపీ), రాష్ట్రీయ లోక్తాంత్రిక్ పార్టీ (ఆర్ఎల్పి) అభ్యర్థులకు చెరొక ఓటు మాత్రమే లభించింది. ఆసక్తికరంగా బీజేపీ అభ్యర్థి కైలాష్ చంద్ర తాను పోటీ చేసిన వార్డులోనే ఒక్క ఓటు కూడా పొందలేదు.
మున్సిపల్ ఎన్నికల్లో బీజేపీ సాధించిన విజయానికి రాజస్థాన్ ముఖ్యమంత్రి భజన్ లాల్ శర్మ ప్రజలకు కృతజ్ఞతలు తెలిపారు. ఈ విజయాన్ని ఆయన చారిత్రాత్మకమైనదిగా, అద్భుతమైనదిగా అభివర్ణించారు. రాజస్థాన్ ప్రజలకు, బీజేపీ కార్యకర్తలందరికీ తాను మనస్ఫూర్తిగా ధన్యవాదాలు తెలుపుతున్నానని సీఎం భజన్ లాల్ అన్నారు. పార్టీ కార్యకర్తల కృషి వల్లే ఈ విజయం సాధ్యమైందని ఆయన పేర్కొన్నారు.
సీఎం యోగి అభినందనలు
రాజస్థాన్ పట్టణ సంస్థల ఎన్నికలలో బీజేపీ సాధించిన అద్భుత విజయానికి కష్టపడిన కార్యకర్తలందరికీ హృదయపూర్వక అభినందనలు, రాజస్థాన్ ప్రజలకు హృదయపూర్వక కృతజ్ఞతలు అని ఉత్తర ప్రదేశ్ ముఖ్యమంత్రి యోగి ఆదిత్యనాథ్ సోషల్ మీడియాలో రాశారు. ప్రధాని మోడీ మార్గదర్శకత్వంలో, ముఖ్యమంత్రి భజన్ లాల్ నాయకత్వంలో అమలు చేస్తున్న అభివృద్ధి, సుపరిపాలన, ప్రజా సేవ అనే విధానానికి ఈ చారిత్రాత్మక తీర్పు ప్రజల ఆమోద ముద్ర అని ఆయన రాశారు.
घणी-घणी बधाइयां राजस्थान!
राजस्थान निकाय चुनाव में भाजपा की प्रचंड जीत मोदी जी के नेतृत्व में प्रदेश सरकार के सुशासन और विकास कार्यों पर जनता की मुहर है।
इस प्रचंड विजय के लिए मुख्यमंत्री श्री @BhajanlalBjp जी, प्रदेश अध्यक्ष श्री @madanrrathore जी तथा @BJP4Rajasthan के सभी परिश्रमी कार्यकर्ताओं को हार्दिक बधाई।
कांग्रेस के कुशासन व भ्रष्टाचार से प्रदेश को मुक्त कर भाजपा सरकार हर क्षेत्र में विकास को नई गति दे रही है। प्रदेशवासियों का यह आशीर्वाद राजस्थान को विकसित बनाने के संकल्प को और मजबूत करेगा।
— Amit Shah (@AmitShah) September 14, 2026
తాజావార్తలు
-
Virat Kohli: విరాట్ కోహ్లీకి ఏమైంది..11 ఏళ్లలో తొలిసారి ఇలా..
-
India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
-
Kapildev: టెస్ట్ క్రికెట్కు వీడ్కోలు పలికి ఈ ఇద్దరు దిగ్గజాలు పెద్ద తప్పు చేశారు..
-
Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
-
Love Story: అనిరుధ్ మామ కళానిధి మారన్ ప్రేమ కథ తెలుసా?
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!