Instant Ragi Uttapam: కాల్షియం ఫుల్.. రుచి డబుల్.. పది నిమిషాల్లో తయారయ్యే హెల్తీ రాగి ఉత్తప్పం

Instant Ragi Uttapam: రాగులు చిరు ధాన్యాలలో ఒకటి. వీటిని ఫింగర్ మిల్లెట్ అని పిలుస్తారు. రాగులలో కాల్షియం, ఐరన్ తో పాటూ బోలెడు పోషకాలు ఉంటాయి. కొన్ని ప్రాంతాలలో రాగులను రాగి సంగటి, రాగి అంబలి తయారు చేసుకుని తీసుకుంటారు. మరికొందరు రాగి రొట్టెలు, రాగి లడ్డులూ, రాగి పిండితో వివిధ రకాల ఆహార పదార్థాలు తయారు చేసుకుని తింటారు. ప్రస్తుతం మనం రాగితో ఒక అద్భుత రెసిపీ చేసుకుందాం.. అదే ఇన్‌స్టంట్ రాగి ఉత్తప్పం. ఇది ఆరోగ్యానికి చాలా మంచిది, ముఖ్యంగా పిల్లలు-పెద్దలు అందరికీ సరిపోతుంది.

READ MORE: What’s Today: ఈ రోజు ఏమున్నాయంటే..?

ఇన్‌స్టంట్ రాగి ఉత్తప్పం తయారీ విధానం..
ముందుగా ఒక గిన్నె తీసుకుని అందులో రవ్వ వేసుకోవాలి. దానికి మూడు నాల్గవ వంతు పెరుగు వేసి బాగా కలపాలి. ఇప్పుడు అందులో రాగి పిండి వేసి మళ్లీ కలపాలి. తర్వాత సన్నగా తరిగిన ఉల్లిపాయ, పచ్చి క్యాప్సికం, అల్లం, పచ్చిమిర్చి వేసుకోవాలి. జీలకర్ర, ఆవాలు కూడా వేసి మిశ్రమాన్ని బాగా కలపాలి. మిగిలిన పెరుగు వేసి, అవసరమైతే కొద్దిగా నీళ్లు పోసి దోసె మిశ్రమంలా ఉండేలా కలపాలి. ఇది ఐదు నిమిషాలు పక్కన పెట్టాలి. ఇప్పుడు స్టౌపై నాన్‌స్టిక్ తవా వేడి చేయాలి. ఈలోగా మిశ్రమంలో కరివేపాకు, ఉప్పు, బేకింగ్ సోడా వేసి మెల్లగా కలపాలి. తవా వేడెక్కిన తర్వాత కొద్దిగా నూనె వేసి టిష్యుతో తుడవాలి. ఒక గరిటె మిశ్రమం తీసుకుని తవాపై పోసి ఉత్తప్పంలా మెల్లగా పరచాలి. కింద భాగం లేత బంగారు రంగు వచ్చే వరకు కాల్చాలి. తర్వాత చిన్న కత్తితో స్వల్పంగా చీలికలు చేసి, మరొక వైపు తిప్పి క్రిస్పీగా వచ్చే వరకు వేయించాలి. రెండు వైపులా బాగా కాలిన తర్వాత తీసి నాలుగు ముక్కలుగా కట్ చేయాలి. వేడివేడిగా చట్నీ లేదా పెరుగుతో సర్వ్ చేస్తే చాలా రుచిగా అద్భుతః.. తప్పక ట్రై చేయండి సుమీ..

READ MORE: T20 World Cup: జయహో భారత్.. ఫస్ట్ మ్యాచ్‌లోనే వరల్డ్ రికార్డ్.. దక్షిణాఫ్రికా, ఆస్ట్రేలియా రికార్డ్స్ బ్రేక్..

ఇప్పుడు దీనిలో ఉన్న పోషక విలువలు గురించి తెలుసుకుందాం. ఈ రాగి ఉత్తప్పం ద్వారా శరీరానికి మంచి శక్తి లభిస్తుంది. ఇందులో కార్బోహైడ్రేట్లు ఎక్కువగా ఉండటంతో ఎనర్జీ వస్తుంది. ప్రోటీన్ శరీర బలానికి ఉపయోగపడుతుంది. కొవ్వు పరిమాణం కూడా సమతుల్యంగా ఉంటుంది. ముఖ్యంగా ఫైబర్ ఎక్కువగా ఉండటం వల్ల జీర్ణక్రియకు చాలా మంచిది.