Japanese Skin Care : మెరిసే చర్మం కోసం జపనీస్ రహస్యం.. ఇంట్లోనే మీ ముఖాన్ని యవ్వనంగా మార్చుకోండి.!

Japanese Face Massage Tips for Glowing and Youthful Skin Naturally : నేటి ఉరుకుల పరుగుల జీవితంలో, అనారోగ్యకరమైన జీవనశైలి కారణంగా మహిళలు చిన్న వయసులోనే ముడతలు , చర్మం సాగిపోవడం వంటి సమస్యలను ఎదుర్కొంటున్నారు. చర్మ సౌందర్యం కోసం చాలామంది పార్లర్లకు వెళ్లి రసాయనాలతో కూడిన చికిత్సలు చేయించుకుంటారు, కానీ ఇవి కాలక్రమేణా చర్మాన్ని దెబ్బతీసే అవకాశం ఉంది. అందుకే, సహజ పద్ధతుల్లో చర్మాన్ని కాపాడుకోవడం ఉత్తమం. ప్రస్తుతం ప్రపంచవ్యాప్తంగా జపనీస్ చర్మ సంరక్షణ పద్ధతులకు విశేష ఆదరణ లభిస్తోంది. రైస్ వాటర్ సీరమ్, వారి ప్రత్యేక ఆహారపు అలవాట్లతో పాటు జపనీస్ ఫేస్ మసాజ్‌లు చర్మాన్ని యవ్వనంగా ఉంచడంలో కీలక పాత్ర పోషిస్తాయి. మీ ముఖం కాంతివంతంగా మారడానికి , ముడతలను నివారించడానికి ఉపయోగపడే ఐదు రకాల జపనీస్ మసాజ్‌ల గురించి ఇక్కడ తెలుసుకుందాం.

బుగ్గలను తీర్చిదిద్దే శిల్పం (Cheek Lift Sculpting)
చర్మాన్ని ఎక్కువ కాలం బిగుతుగా , యవ్వనంగా ఉంచుకోవడానికి ‘చీక్ లిఫ్ట్ స్కల్ప్టింగ్’ మసాజ్ ఒక అద్భుతమైన మార్గం. ఈ పద్ధతి ద్వారా బుగ్గలు పైకి లేచి, ముఖం ఆకృతి మెరుగుపడుతుంది. ఈ మసాజ్ చేయడానికి మీ వేళ్లను పెదవుల దగ్గర మొదలుపెట్టి, చెవుల దిశగా నెమ్మదిగా కదిలించాలి. ఇలా క్రమం తప్పకుండా చేయడం వల్ల ముఖంలో రక్త ప్రసరణ పెరిగి, చర్మం సహజ సిద్ధమైన కాంతితో మెరుస్తుంది.

నుదుటి గీతలకు చెక్ (Forehead Smoothing)
వయసు పెరిగే కొద్దీ నుదుటిపై వచ్చే సన్నని గీతలు ముఖాన్ని వయసు మళ్లినట్లు చూపిస్తాయి. వీటిని తగ్గించడానికి నుదుటిని నునుపుగా చేసే మసాజ్ ఎంతో సహాయపడుతుంది. మీ వేళ్లను నుదుటి మధ్య భాగంలో ఉంచి, చివర్ల వైపు సున్నితమైన వృత్తాకార కదలికలతో మసాజ్ చేయాలి. ఈ పద్ధతి ముఖ కండరాలను రిలాక్స్ చేయడమే కాకుండా, సన్నని గీతలను తగ్గించి ముఖం తాజాగా కనిపించేలా చేస్తుంది.

దవడ ఆకృతిని మెరుగుపరచడం (Jawline Definition)
ముఖంపై ఉండే ఉబ్బును (Puffiness) తగ్గించి, దవడ ఆకృతిని స్పష్టంగా మార్చడానికి దవడ మసాజ్ ఉత్తమమైనది. గడ్డం వద్ద వేళ్లను ఉంచి, చెవుల వైపు పైకి జరపడం ద్వారా ఈ వ్యాయామం చేయాలి. ఇది డబుల్ చిన్ సమస్యను తగ్గించడంలో సహాయపడటమే కాకుండా, ముఖానికి ఒక పదునైన , అందమైన ఆకృతిని ఇస్తుంది.

మెడ ఆకృతి కోసం ప్రత్యేక మసాజ్ (Neck Contouring)
ముఖంపై శ్రద్ధ చూపే చాలామంది మెడ భాగం గురించి మర్చిపోతుంటారు, కానీ వయసు ఛాయలు మొదట అక్కడే కనిపిస్తాయి. మెడ , దవడ చుట్టూ ఉన్న చర్మాన్ని నునుపుగా చేయడానికి ‘నెక్ కాంటౌరింగ్’ మసాజ్ చేయాలి. మీ చేతులను కాలర్‌బోన్ నుండి దవడ వరకు నెమ్మదిగా పైకి కదపడం ద్వారా ఈ ప్రక్రియను పూర్తి చేయవచ్చు. ఇది రక్త ప్రసరణను మెరుగుపరచి, మెడ చుట్టూ ఉన్న చర్మం కాంతివంతంగా మారడానికి దోహదపడుతుంది.