Donald Trump: జర్మనీకి డబుల్ షాక్ ఇచ్చిన ట్రంప్..

Donald Trump: అమెరికా అధ్యక్షుడు జర్మనీ టార్గెట్ చేసుకుంటోంది. డొనాల్డ్ ట్రంప్ ఆ దేశం విషయంలో మరింత కఠినంగా వ్యవహరిస్తున్నారు. జర్మనీలో మోహరించిన అమెరికా సైనికుల సంఖ్య కేవలం 5000కే పరిమితం కాదని, దానిని మరింత తగ్గిస్తామని ట్రంప్ వెల్లడించారు. గతంలో 5000 మంది సైనికుల్ని విత్ డ్రా చేస్తామని చెప్పాడు. ఇప్పుడు ఆ సంఖ్య మరింతగా పెరుగొచ్చని హింట్ ఇచ్చాడు. ఈ నిర్ణయానికి ముందు ట్రంప్ యూరోపియన్ యూనియన్(ఈయూ) దేశాల కార్లు, ట్రక్కులపై 25 శాతం సుంకాన్ని విధించాడు. ఇది ముఖ్యంగా జర్మనీపై ప్రభావం చూపుతుంది.

Read Also: AI Viral Story: సాఫ్ట్‌వేర్ ఇంజనీర్ నుంచి వెయిటర్‌‌గా.. ఏఐ దెబ్బకు తలకిందులైన జీవితం..

ఈయూ తన వాగ్దానాలను నెరవేర్చడంలో విఫలమైందని ట్రంప్ ఆరోపించారు. దీంతో ఈయూ నుంచి వచ్చే కార్లు, ట్రక్కులపై 25 శాతం సుంకం విధిస్తున్నట్లు ప్రకటించారు. ముఖ్యంగా ఆటోమొబైల్ పరిశ్రమకు కీలకంగా ఉన్న జర్మనీపై ఈ ఎఫెక్ట్ ఎక్కువగా ఉంటుంది. ముఖ్యంగా ట్రంప్ నిర్ణయాలపై సొంత దేశంలోనే విమర్శలు ఎక్కువ అవుతున్నాయి. ఉక్రెయిన్ యుద్ధ సమయంలో యూరప్ నుంచి అమెరికన్ బలగాలను విత్ డ్రా చేస్తే రష్యా మరింత రెచ్చిపోయే ప్రమాదం ఉంటుందని హెచ్చరిస్తున్నారు.

మరోవైపు, జర్మన్ రక్షణ మంత్రి బోరిస్ పిస్టోరియన్ ట్రంప్ నిర్ణయంపై పెద్దగా స్పందించలేదు. ట్రంప్ చాలా రోజుల నుంచి చెబుతున్నాడని ఇదేమి కొత్త కాదని ఆయన అన్నారు. ఇప్పటికైనా యూరప్ దేశాలు ముందుకు వచ్చి తమ సొంత భద్రతకు ప్రాధాన్యత ఇవ్వాలని అన్నారు. పెంటగాన్ ప్రకారం.. ప్రస్తుతం 36000 మంది యూఎస్ సైనికులు జర్మనీలో ఉన్నారు.