యూరప్ పార్లమెంట్లో జరిగిన ఓ ఘటన తీవ్ర విమర్శలకు దారి తీసింది.. యురోపియన్స్తో పాటు.. నెటిజన్లు ఆ వీడియోపై అక్కడ ప్రభుత్వాన్ని ఏకిపారేస్తున్నారు.. ఐరోపా భవిష్యత్ ఇదేనా అంటూ సోషల్ మీడియా వేదికగా కామెంట్లు పెడుతూ.. తమ ఆగ్రహాన్ని వ్యక్తం చేస్తున్నారు.. ఇంతకీ పార్లమెంట్లో ఏం జరిగిందనే విషయానికి వస్తే.. యూరోపియన్ యూనియన్ ప్రధాన కార్యాలయంలోని ఐరోపా పార్లమెంట్లో ఇటీవల 4 రోజుల పాటు సమావేశాలు నిర్వహించారు.. దేశ భవిష్యత్పై చర్చించారు.. అయితే, సమావేశాల చివరి రోజైన సోమవారం పౌరుల సూచనల ఆధారంగా ఈయూ ఎలా అభివృద్ధి చెందుతుంది అనే అంశంపై చర్చ జరిగింది.. కానీ, సమావేశాల చివర్లో 10 నిమిషాల పాటు వినోదాత్మక కార్యక్రమాలు నిర్వహించడమే ఇప్పుడు పెద్ద రచ్చగా మారింది..
Read Also: Cyclone Asani: ‘అసని’ తుఫాన్ తాజా బులెటిన్..
ఐరోపా పార్లమెంట్ సమావేశాల ముగింపునకు ముందు హాల్లోకి వచ్చి కొందరు డ్యాన్స్లు చేశారు.. అధ్యక్షుడి కీలక ప్రసంగానికి ముందే ఈ పరిణామం జరగడంతో అంతా షాక్ తిన్నారు.. ఈ డ్యాన్స్ ప్రదర్శనపై ఫ్రాన్స్ అధ్యక్షుడు ఇమ్మాన్యుయేల్ మాక్రాన్ తీవ్ర ఆగ్రహం వ్యక్తం చేశారు.. అయితే, పార్లమెంట్ వేదికగా వేసిన స్టెప్పులకు సంబంధించిన వీడియో మాత్రం సోషల్ మీడియాలో రచ్చ చేస్తోంది.. ఆ వీడియోపై కొందరు జోకులు వేస్తుంటే.. చాలా మంది ఐరోపా పార్లమెంట్ తీరుపై ఆగ్రహం వ్యక్తం చేశారు.. ఇదే యూరోపియన్ యూనియన్ భవిష్యత్తు అయితే.. మీరంతా ఇబ్బందుల్లో ఉన్నట్లే అని కామెంట్లు పెడుతున్నారు.. “మీరు ఇప్పుడే చంద్రునిపైకి వచ్చారు… మీ చేతులు చేపలుగా మారాయి… మీరు కొత్త గ్రహాన్ని కనుగొంటారు” అని ఫ్రెంచ్ భాషలో ఓ కథకుడు కామెంట్ చేశారు..
కాన్ఫరెన్స్ ముగింపునకు ముందు పాల్గొనేవారికి తేలికపాటి వినోదం కోసం ఉద్దేశించిన ఒక వివరణాత్మక నృత్య ప్రదర్శన ఇప్పుడు విమర్శలకు తావిచ్చింది.. బాధాకరమైన ఇబ్బందికరమైన పరిస్థితి తెచ్చింది.. అయితే, ఈ నృత్యానికి ఫ్రెంచ్ డ్యాన్సర్ ఏంజెలిన్ ప్రెల్జోకాజ్ కొరియోగ్రఫీ చేశారు. ఏంజెలిన్ ప్రెల్జోకాజ్చే “డాన్స్ ఎల్’యూరోప్” నృత్యరూపకంతో సంస్కృతి సంకేతంలో యూరప్ భవిష్యత్తు కోసం కాన్ఫరెన్స్ ముగింపు కార్యక్రమం ప్రారంభం అంటూ MEP లారెన్స్ ఫారెంగ్ ట్వీట్ చేశారు. డ్యాన్సర్లు గ్లైడింగ్ చేస్తూ, నాటకీయంగా చేతులు కదుపుతున్నట్లు ఆమె చేసిన ట్వీట్ 2.5 మిలియన్ కంటే ఎక్కువ మంది వీక్షించారు.. కానీ, ట్విటర్ వినియోగదారులు వీడియోపై కామెంట్ల వర్షం కురిపించారు, దీనిని కాన్ఫరెన్స్ థీమ్కు లింక్ చేస్తూ – యూరప్ యొక్క భవిష్యత్తు ఇదా అంటూ మండిపడుతున్నారు. ఇది యూరప్ యొక్క భవిష్యత్తు అయితే, మీరు తీవ్రమైన ఇబ్బందుల్లో ఉన్నారు అంటూ ఓ నెటిజన్ ట్వీట్ చేస్తే.. ఖచ్చితంగా ఇది హాస్యాస్పదంగా ఉంది, మేం బయలుదేరినందుకు సంతోషిస్తున్నాం” అని మరొక వినియోగదారు వ్యాఖ్యానిస్తూ, బ్రెక్సిట్కు సూచనగా యూనియన్ జాక్ యొక్క స్టిక్కర్ను పోస్ట్ చేశారు. హాస్యాస్పదమైన, అశ్లీలమైన, అసభ్యకరమైన దృశ్యాలతో నేను నా మాటలను కోల్పోయాను.. దీని వైపు చూడు ! మేం యూరప్ నుండి గొంతు కోసి, కట్టివేయబడ్డాం, దరిద్రంగా ఉన్నాం. అది చూడటానికి బాధాకరంగా పన్నులు చెల్లించండి! ఏ స్థాయి! స్టుపిడ్!” అంటూ మరో ట్విట్టర్ యూజర్ పోస్ట్ చేసారు.
#EU Interpretive dance performed at European Parliament
But Emmanuel Macron looked unimpressed as the European Parliament was treated to a nine-minute youth dance session “to embody the French Presidency of the European Council” on Monday ahead of his key speech to the assembly pic.twitter.com/g9Gqe9Qamx
— Freedom Truth Honor 🇺🇳 (@FreedomHonor666) May 10, 2022
