The Paradise: నాని కోసం రూల్స్ బ్రేక్ చేశాను.. శ్రీకాంత్ ఓదెల ఎమోషనల్ ట్వీట్!

నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్ అంటేనే బాక్సాఫీస్ వద్ద ఒక సెన్సేషన్. ‘దసరా’ చిత్రంతో పాన్ ఇండియా స్థాయిలో సత్తా చాటిన ఈ ద్వయం, ప్రస్తుతం ‘ది ప్యారడైజ్’ (The Paradise) కోసం మళ్లీ జతకట్టిన సంగతి తెలిసిందే. అయితే, ఈ సినిమా మేకింగ్ విషయంలో నాని తనపై ఉంచిన అపారమైన నమ్మకం గురించి శ్రీకాంత్ ఓదెల తాజాగా చేసిన ట్వీట్ ఇప్పుడు నెట్టింట వైరల్ అవుతోంది. నాని తనపై పెట్టిన నమ్మకమే తనను ప్రతి క్షణం కష్టపడేలా చేస్తోందని శ్రీకాంత్ భావోద్వేగానికి గురయ్యారు.

Also Read : Anupama: కార్తికేయ 2 సెట్‌లో చేదు అనుభవం.. అసిస్టెంట్ చెప్పిన మాటతో అనుపమకు వాంతులు!

శ్రీకాంత్ ఓదెల తన ట్విట్టర్ (X) ఖాతాలో నానిని ఉద్దేశించి.. ‘నాని అన్న.. నువ్వు ఏదైనా అడిగినప్పుడు ‘నీ ఇష్టం శ్రీకాంత్’ అని అన్న ప్రతిసారీ.. నాకు అది ‘శ్రీకాంత్ నిన్ను నేను నమ్ముతున్నాను’ అన్నట్లుగా వినిపిస్తుంది. ఆ నమ్మకమే నన్ను ప్రతి సెకను భయపెడుతోంది. అందుకే ‘ది ప్యారడైజ్’ కోసం నా రక్తాన్ని, ఆత్మను ధారపోస్తున్నాను’ అని పేర్కొన్నారు. ఈ సినిమా కోసం నాని కెరీర్‌లో ఎప్పుడూ లేని విధంగా కొన్ని నిబంధనలను పక్కన పెట్టాల్సి వచ్చిందని శ్రీకాంత్ చెప్పుకొచ్చారు.. ‘ఈ సినిమా కోసం నేను నీ సినిమా రూల్స్ అన్నింటినీ బ్రేక్ చేశాను. నీ వర్కింగ్ డేస్ ప్యాటర్న్‌ను మార్చేశాను.. అంతెందుకు నీ రిలీజ్ డేట్ ప్లానింగ్‌ను కూడా మార్చాల్సి వచ్చింది. అయినా సరే నువ్వు నాపై చూపిస్తున్న ఆ నమ్మకం నన్ను మరింత బాధ్యతగా ఉంచుతోంది’ అంటూ శ్రీకాంత్ తన మనసులోని మాటను బయటపెట్టారు. ఈ పోస్ట్‌తో నాని – శ్రీకాంత్ మధ్య ఉన్న బాండింగ్‌ను చూసి మెగా ఫ్యాన్స్ మురిసిపోతున్నారు. నాని లాంటి స్టార్ హీరో ఒక యంగ్ డైరెక్టర్‌కు ఇంతటి ఫ్రీడమ్ ఇవ్వడం పట్ల నెటిజన్లు ప్రశంసలు కురిపిస్తున్నారు. దసరాను మించిన మాస్ యాక్షన్ డ్రామాగా ‘ది ప్యారడైజ్’ ఉండబోతోందని ఈ ట్వీట్‌తో స్పష్టమవుతోంది.

 

Nani Anna,

Nuvvu "Ni istam Srikanth" ani anna prathisari I hear "I trust you Srikanth"

And that trust scares me, every single second to give my blood and soul to The Paradise.

I broke your every rule of cinema.

I broke your working days pattern…

I broke your release date… pic.twitter.com/p7Z1pFKrx8

— Srikanth Odela (@odela_srikanth) February 24, 2026