T20 World Cup Fastest Fifties List: టీ20 ప్రపంచకప్ 2026లో కరీబియన్ స్టార్ బ్యాటర్ షిమ్రాన్ హెట్మయర్ సంచలన ప్రదర్శనతో చరిత్ర సృష్టించాడు. సూపర్-8లో భాగంగా సోమవారం ముంబైలో జింబాబ్వేతో జరిగిన మ్యాచ్లో 19 బంతుల్లోనే అర్ధ శతకం పూర్తి చేశాడు. దాంతో టీ20 ప్రపంచకప్ టోర్నీ చరిత్రలో వెస్టిండీస్ తరఫున అత్యంత వేగవంతమైన హాఫ్ సెంచరీ నమోదు చేశాడు. హెట్మయర్ దూకుడు ఇన్నింగ్స్ కారణంగా వెస్టిండీస్ జట్టు భారీ తేడాతో గెలిచి.. గ్రూప్-1 నుంచి సెమీస్ రేసులో ముందంజలో నిలిచింది.
టీ20 వరల్డ్కప్ చరిత్రలో ప్రతి జట్టు తరఫున వేగవంతమైన ఫిఫ్టీల జాబితాను ఓసారి చూద్దాం. భారత తరఫున ఫాస్టెస్ట్ ఫిఫ్టీ చేసిన ఆటగాడు మాజీ ఆల్రౌండర్ యువరాజ్ సింగ్. 2007లో ఇంగ్లాండ్పై కేవలం 12 బంతుల్లో అర్ధ శతకం బాదాడు. టీ20 వరల్డ్కప్ చరిత్రలోనే ఇది అత్యంత వేగవంతమైన హాఫ్ సెంచరీ. ఆస్ట్రేలియా తరఫున మార్కస్ స్టోయినిస్ 2022లో 17 బంతుల్లో ఫిఫ్టీ బాదాడు. , పాకిస్తాన్ వెటరన్ ప్లేయర్ షోయబ్ మాలిక్ 18 బంతుల్లో అర్ధశతకం నమోదు చేశాడు.
శ్రీలంక తరఫున 2026లో ఒమాన్పై దాసున్ శనక 19 బంతుల్లో ఫిఫ్టీ చేశాడు. దక్షిణాఫ్రికా కెప్టెన్ ఏడెన్ మార్క్రమ్ న్యూజిలాండ్పై 19 బంతుల్లో అర్ధశతకం సాధించాడు. బంగ్లాదేశ్ తరఫున 2007లో మహమ్మద్ అష్రాఫుల్ 20 బంతుల్లో ఫిఫ్టీ నమోదు చేయగా.. జింబాబ్వే బ్యాటర్ ఎల్టన్ చిగుంబురా 21 బంతుల్లో ఈ ఘనత సాధించాడు. ఇంగ్లాండ్ తరఫున 2026లో ఇటలీపై విల్ జాక్స్ 21 బంతుల్లో అర్ధశతకం నమోదు చేశాడు. న్యూజిలాండ్కు గ్లెన్ ఫిలిప్స్ 22 బంతుల్లో ఫిఫ్టీ చేయగా.. అఫ్గానిస్తాన్ తరఫున షఫీఖుల్లా 2014లో 24 బంతుల్లో అర్ధశతకం సాధించాడు.
Also Read: West Indies Biggest Wins: వెస్టిండీస్ భారీ విజయాల చరిత్ర.. టాప్-5 రికార్డులన్నీ వరల్డ్కప్ల్లోనే!
ఫాస్టెస్ట్ ఫిఫ్టీస్ లిస్ట్:
12 బంతులు – యువరాజ్ vs ENG, 2007
17 బంతులు – మైబర్గ్ vs IRE, 2014
17 బంతులు – స్టోయినిస్ vs SL, 2022
18 బంతులు – మాలిక్ vs SCO, 2021
19 బంతులు – షనక vs OMA, 2026
19 బంతులు – మార్క్రామ్ vs NZ, 2026
19 బంతులు – హెట్మైర్ vs ZIM, 2026
20 బంతులు – అష్రఫుల్ vs WI, 2007
21 బంతులు – చిగుంబురా vs UAE, 2014
21 బంతులు – విల్ జాక్స్ vs ITA, 2026
22 బంతులు – జోన్స్ vs CAN, 2024
22 బంతులు – బెన్ మనేంటి vs ENG, 2026
22 బంతులు – గ్లెన్ ఫిలిప్స్ vs CAN, 2026
24 బంతులు – షఫీకుల్లా vs HNG, 2014
