అమెరికాను భ‌య‌పెడుతున్న హీట్ వేవ్స్‌…

మొన్న‌టి వ‌ర‌కు క‌ర‌నా మ‌హమ్మారి అమెరికాను భ‌య‌పెట్టింది.  వేగంగా వ్యాక్సినేష‌న్‌ను అమ‌లు చేయ‌డంతో ప్ర‌స్తుతం అక్క‌డ క‌రోనా కేసులు త‌గ్గుముఖం ప‌ట్టాయి.  క‌రోనా కేసులు త‌గ్గుముఖం ప‌ట్ట‌డంతో మాస్క్ త‌ప్ప‌నిస‌రిగా విధానానికి స్వ‌స్తి ప‌లికారు.  అయితే, ఇప్పుడు ఆ దేశాన్ని మ‌రోస‌మ‌స్య వేధిస్తోంది.  అమెరికాను హీట్ వేవ్ ఇబ్బందులు పెటుతున్న‌ది.  గ‌త కొన్ని రోజులుగా ఎప్పుడూ లేని విధంగా రికార్డ్ స్థాయిలో వేడిగాలులు వీస్తున్నాయి.  వేస‌వి కాలం ప్రారంభంలో 49 డిగ్రీల‌కు పైగా ఉష్ణ్రోగ్ర‌త‌లు న‌మోద‌వుతున్నాయి.  గ‌తంలో ఎప్పుడు ఈ విధంగా ఉష్ణోగ్ర‌త‌లు న‌మోదుకాలేద‌ని, రాబోయే వారం రోజులు సాధార‌ణం కంటే 10-20 డిగ్రీల ఉష్ణోగ్ర‌త‌లు అధికంగా న‌మోద‌వుతాయ‌ని పోర్ట్‌ల్యాండ్ వాతావ‌ర‌ణ శాఖ పేర్కొన్న‌ది.  

Read: తాప్సీకి మరోసారి తలంటిన ‘తలైవి’!

ప్ర‌జ‌లు అత్య‌వ‌స‌ర‌మైతే త‌ప్పించి బ‌య‌ట‌కు రావోద్ద‌ని, సాధ్య‌మైనంత వ‌ర‌కు ఇంటికే ప‌రిమితం కావాల‌ని సూచించింది.  ఇక, కెన‌డాలో 84 ఏళ్ల క్రితం 45 డిగ్రీల ఉష్ణోగ్ర‌త‌లు న‌మోదు కాగా, ఇప్పుడు ఆ రికార్డ్‌ను బ్రేక్ చేసి, కెన‌డాలోని బ్రిటీష్ కొలంబియా ప్రావిన్స్‌లో 49.5 డిగ్రీల ఉష్ణోగ్ర‌త న‌మోదైంది.  నిత్యం చ‌ల్లగా ఆహ్ల‌ద‌క‌రంగా ఉండే అమెరికా, కెన‌డా దేశాల్లో ఎప్పుడూ లేని విధంగా భారీస్థాయిలో ఉష్ణోగ్ర‌త‌లు, వేడిగాలులు వీస్తుండ‌టంతో ప్ర‌జ‌లు పిట్ట‌ల్లా రాలిపోతున్నారు.