America: హౌతీలతో లోపాయికారి ఒప్పందం.. సౌదీని రోడ్డున పడేసిన అగ్రరాజ్యం!
- Follow Us :
-
-
Add as a preferred
source on google
అమెరికాను నమ్ముకుంటే నట్టేట మునిగినట్టే…! ఎందుకో తెలుసా.. నమ్మించి మోసం చేయడం ఆ దేశం డీఎన్ఏలోనే ఉంది. సౌదీ అరేబియా కూడా ఇప్పుడు అలానే మోసపోయింది. మధ్యప్రాచ్యంలో వేగంగా మారుతున్న పరిణామాలను చూస్తుంటే… సౌదీని అమెరికా ఏ స్థాయిలో చీట్ చేసిందో అర్థమవుతుంది. హౌతీలతో లోపయకారి ఒప్పందం చేసుకున్న అమెరికా… సౌదీని రోడ్డున పడేసింది.
యెమెన్ లో అన్సార్ అల్లా గా పిలిచే హౌతీ రెబల్స్ తిరిగి విజృంభిస్తున్నారు. ఎర్ర సముద్రం తీరంతో పాటు సౌదీ చమురు ఎగుమతులకు కీలకమైన బాబ్ ఎల్-మండెబ్ జలసంధి వెంబడి ఉన్న పలు దీవులను హౌతీలు తమ ఆధీనంలోకి తీసుకున్నారు. అంతేకాదు… సౌదీ నగరాలు, ఇంధన మౌలిక సదుపాయాలపై డ్రోన్లు, క్షిపణులతో తీవ్ర దాడులు చేస్తున్నారు. పవిత్ర నగరమైన మక్కాలో ఒక డ్రోన్ దాడికి కూడా ప్రయత్నించారు. అయితే సౌదీ అప్రమత్తంగా ఉండి ఆ దాడిని తిప్పికొట్టింది.
సౌదీకి మద్దతుగా నిలవాల్సిన మిత్రదేశాలు ఇప్పుడు వెనక్కి తగ్గుతున్నాయి. మక్కా డిఫెన్స్ అలయన్స్ లో ఉన్న పాకిస్థాన్, టర్కీ దేశాలు యెమెన్ లో పోరాడేందుకు పూర్తిగా నిరాకరించాయి. అటు అగ్రరాజ్యం అమెరికా, బ్రిటన్ కూడా హౌతీల స్థావరాలపై వైమానిక దాడులు చేసేందుకు ఆసక్తి చూపడం లేదు. ఇలాంటి క్లిష్ట పరిస్థితుల్లో మిత్ర దేశం సౌదీకి అండగా ఉండాల్సిన అమెరికా… మూడో కంటికి తెలియకుండా… ఒమన్ రాజధాని మస్కట్ లో హౌతీతో రహస్యంగా చర్చలు జరిపింది.
Also Read
- Rohingya Genocide: రోహింగ్యాలను కావాలనే చంపారు..తేల్చేసిన అంతర్జాతీయ న్యాయస్థానం!
- Marriages: "పెళ్లి వద్దు.. సింగిల్ లైఫే బెటర్".. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
- International Men's Day: "నువ్వు మగాడివి.. ఏడవకూడదు".. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
- Iran vs America: ఇరాన్ డర్టీ బాంబ్.. అమెరికాలో అలెర్ట్!
ఇరాన్ తో యుద్ధంలో చిక్కుకున్న అమెరికా వద్ద.. ఇప్పుడు హౌతీలపై పెద్ద ఎత్తున దాడులు చేసేందుకు తగిన వనరులు లేవు. అందుకే ఎర్ర సముద్రంలో తమ నౌకలపై దాడులు చేయబోమన్న హౌతీల హామీకి అమెరికా సుముఖత వ్యక్తం చేసినట్లు సమాచారం. ఇజ్రాయెల్, అంతర్జాతీయ నౌకలను వదిలేసి.. కేవలం సౌదీ అరేబియా నౌకలను మాత్రమే లక్ష్యంగా చేసుకుంటామని హౌతీ ప్రతినిధులు అమెరికాకు స్పష్టం చేశారు. అమెరికా ప్రయోజనాలకు భంగం కలగకపోవడంతో ఈ షరతులకు వాషింగ్టన్ మౌనంగా అంగీకరించినట్లు మాజీ దౌత్యవేత్తలు భావిస్తున్నారు.
అమెరికా వ్యూహాత్మక మౌనం ఇప్పుడు సౌదీ అరేబియాను తీవ్ర ఇరకాటంలోకి నెట్టేసింది. వందలాది వైమానిక దాడులు చేసినప్పటికీ అన్సార్ అల్లా దళాలను సౌదీ నిలువరించలేకపోయింది. పరిస్థితి విషమించడంతో ఇంటెలిజెన్స్ సమాచారం కోసం ఇజ్రాయెల్ ను సౌదీ అరేబియా ఆశ్రయించినట్లు వార్తలు వస్తున్నాయి. వాస్తవానికి ఇజ్రాయెల్ను ఒక స్వతంత్ర దేశంగా సౌదీ ఇప్పటి వరకు గుర్తించలేదు. మిత్రదేశాలు సాయం చేసేందుకు ముందుకు రాకపోవడంతో.. యెమెన్ యుద్ధంలో సౌదీ అరేబియా ఇప్పుడు ఒంటరి పోరాటం చేస్తోంది.
తాజావార్తలు
-
Story Board : రాయితీలు తీసుకుంటూ ఉద్యోగాలు ఎందుకు ఇవ్వరు?
-
Koti Deepotsavam 2026 : కోటి దీపోత్సవంలో అద్భుత ఘట్టం.. వైభవంగా తులసీ దామోదర కల్యాణం.!
-
Yuzvendra Chahal: రాజకీయాల్లోకి అడుగుపెట్టిన భారత క్రికెటర్ యుజ్వేంద్ర చాహల్.. కీలక బాధ్యతలు అప్పగింత..
-
Asaduddin Owaisi : ఒవైసీకి పోలీసుల గౌరవ వందనం.. అసలు ట్విస్ట్ ఇదే.!
-
OTR: రాజాం మున్సిపాలిటీలో జనసేనకు సొంత పార్టీ సెగ.. టీడీపీ నేతల అలక
ట్రెండింగ్
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!