తన కోరిక తీర్చుకోవడానికి నా భర్తకు విడాకులిప్పించాడు- జూనియర్ ఆర్టిస్ట్

సినీ పరిశ్రమలో ఎవరిని నమ్మలేము.. వారు ఎప్పుడు ఎలా మోసం చేస్తారో ఎవరికి తెలియదు. తాజాగా ఒక జూనియర్ ఆర్టిస్ట్ ని ఒక వ్యక్తి దారుణంగా మోసం చేశాడు. తనను ప్రేమ, పెళ్లి పేరుతో నమ్మించి మొదటి భర్తకు విడాకులిప్పించి, తన కోరిక తీర్చుకున్నాకా వదిలేశాడని జూనియర్ ఆర్టిస్ట్ పోలీసులను ఆశ్రయించింది.

వివరాల్లోకి వెళితే.. రహ్మత్‌నగర్‌లో నివాసముంటున్న ఒక యువతి(26) సినిమాల్లో జూనియర్ ఆర్టిస్ట్ గా పనిచేస్తోంది. ఆమెకు కొన్నేళ్ల క్రితం వివాహమైంది. వారికి నాలుగేళ్ల కొడుకు ఉన్నాడు. ఇక ఈ నేపథ్యంలోనే అవకాశాల కోసం తిరుగుతున్న ఆమెకు రహ్మత్‌నగర్‌ వీడియోగల్లీలో ప్రసాద్ రెడ్డి అనే వ్యక్తితో పరిచయం ఏర్పడింది. ఆ పరిచయం ప్రేమాగా మారింది. తనను పెళ్లి చేసుకుంటానని, తన భర్తకు విడాకులిమ్మని ప్రసాద్ ఫోర్స్ చేసి ఆమెతో పలుమార్లు శారీరకంగా కలిశాడు. దీంతో ఆమె ప్రసాద్ మాయమాటలు నమ్మి భర్తకు విడాకులిచ్చింది. నాలుగేళ్లు సహజీవనం చేసిన తరువాత ప్రసాద్ మరో యువతిని పెళ్లి చేసుకోవడానికి రెడీ అయ్యాడు. ఈ విషయం తెలుసుకున్న జూనియర్ ఆర్టిస్ట్ పోలీసులను ఆశ్రయించింది. తనను నమ్మించి మోసం చేసిన అతనిపై కఠిన చర్యలు తీసుకోవాలని ఆమె ఫిర్యాదులో తెలిపింది. బాధితురాలి ఫిర్యాదుమేరకు కేసు నమోదు చేసుకున్న పోలీసులు విచారణ చేపట్టారు.