Student M*urder: గదిలో యువతి మృతదేహం కలకలం.. దర్యాప్తులో సంచలన విషయాలు!

Student Murder: మధ్యప్రదేశ్‌ లోని ఇండోర్ నగరంలో సంచలనం రేపిన MBA విద్యార్థిని హత్య కేసులో పోలీసులు నిందితుడిని అరెస్ట్ చేశారు. ద్వారకాపురి పోలీస్ స్టేషన్ పరిధిలో జరిగిన ఈ ఘటనలో యువతిని హత్య చేసిన ఆమె ప్రేమికుడు పీయూష్‌ను ముంబైలో పోలీసులు అదుపులోకి తీసుకున్నారు. పోలీసుల సమాచారం ప్రకారం.. యువతిని హత్య చేసిన అనంతరం నిందితుడు అక్కడి నుంచి పారిపోయి ముంబై, పన్వేల్ ప్రాంతాల్లో దాక్కున్నాడు. సాంకేతిక ఆధారాల సహాయంతో అతని స్థానాన్ని గుర్తించిన పోలీసులు ప్రత్యేక బృందంతో వెళ్లి అరెస్ట్ చేశారు.

Star Actress : రూ. 500 నుండి రూ. 4 కోట్ల రెమ్యూనరేషన్ తీసుకునే రేంజ్ కు స్టార్ హీరోయిన్

నిందితుడు పీయూష్, మృతురాలు ఒకే విద్యాసంస్థలో చదువుతూ సన్నిహితంగా ఉన్నారు. నిందితుడు యువతిని వివాహం చేసుకోవాలని కోరగా.. ఆమె మాత్రం సంబంధాన్ని ముగించాలని భావించింది. ఈ విషయంపై ఇద్దరి మధ్య తరచూ వాగ్వాదాలు జరిగేవని పోలీసులు తెలిపారు. ఘటన జరిగిన రోజు మాట్లాడుకోవాలని చెప్పి యువతిని తన గదికి పిలిచిన నిందితుడు, ఆమె మొబైల్‌లో ఒక యాప్‌ను చూసి అనుమానం పెంచుకున్నాడు. ఈ క్రమంలో ఇద్దరి మధ్య వాగ్వాదం తీవ్రరూపం దాల్చడంతో ఆమె గొంతు నులిమి హత్య చేసినట్లు విచారణలో వెల్లడైంది.

ఫిబ్రవరి 13న గది నుంచి దుర్వాసన వస్తుండటాన్ని గమనించిన స్థానికులు పోలీసులకు సమాచారం ఇచ్చారు. పోలీసులు అక్కడికి చేరుకుని గదిలో నుంచి యువతి మృతదేహాన్ని స్వాధీనం చేసుకున్నారు. డెడ్ బాడీ ఆధారంగా హత్య అనంతరం లైంగిక దాడి జరిగిన అనుమానాలు కూడా వ్యక్తమయ్యాయి. అయితే ఫిబ్రవరి 12న యువతి గల్లంతైనట్లు కుటుంబ సభ్యులు పోలీసులకు ఫిర్యాదు చేసినట్లు అధికారులు తెలిపారు.

Mother Love: పేగు బంధం అంటే ఇదే కాబోలు.. తన దూడ చనిపోయిన చోటుకు అధికారులను తీసుకెళ్లిన ఆవు..

ఈ కేసులో నిందితుడిని అదుపులోకి తీసుకుని విచారిస్తున్నామని అధికారులు తెలిపారు. ప్రారంభ విచారణలో నిందితుడు పొంతనలేని సమాచారాన్ని ఇస్తున్నాడని.. దర్యాప్తును తప్పుదోవ పట్టించే ప్రయత్నం చేస్తున్నట్లు అనుమానం వ్యక్తమవుతోందన్నారు. హత్య, అత్యాచారం సహా పలు సెక్షన్ల కింద కేసు నమోదు చేసి పోలీసులు దర్యాప్తు కొనసాగిస్తున్నారు.