Sajjala Ramakrishna Reddy: మీ పాలనపై నమ్మకముంటే ఈ భయమేంటి.. సజ్జల ఘాటు వ్యాఖ్యలు
- పాత ఓటర్ల జాబితాతో ఎన్నికల నిర్వహణపై అభ్యంతరం
- ఎన్నికల్లో అక్రమాలు జరుగుతాయంటూ సజ్జల ఆరోపణలు
- పారామిలిటరీ బలగాలను దించాలని డిమాండ్
- కూటమి హామీలపై ప్రజలు నిలదీయాలన్న వైఎస్సార్సీపీ నేత
- Follow Us :
-
-
Add as a preferred
source on google
ఆంధ్రప్రదేశ్లో జరుగుతున్న స్థానిక సంస్థల ఎన్నికల నిర్వహణ తీరుపై వైఎస్సార్సీపీ స్టేట్ కో-ఆర్డినేటర్ సజ్జల రామకృష్ణారెడ్డి కూటమి ప్రభుత్వంపై, రాష్ట్ర ఎన్నికల అధికారులపై తీవ్రస్థాయిలో ధ్వజమెత్తారు. అమరావతిలో ఏర్పాటు చేసిన విలేకరుల సమావేశంలో ఆయన మాట్లాడుతూ.. తమ పాలనపై తమకు పూర్తి నమ్మకముంటే అధికారంలో ఉన్నవారు ఎన్నికల నిర్వహణకు ఎందుకు భయపడుతున్నారని ప్రశ్నించారు.
దొంగ ఓట్లతోనే ఎన్నికల కుట్ర.. కేంద్ర ఎన్నికల సంఘంపై అనుమానాలు
గతంలో సర్వేల ద్వారా తొలగించిన సుమారు 44 లక్షల దొంగ ఓట్లను ఆధారంగా చేసుకుని ఎన్నికలకు వెళ్లవద్దని తాము విజ్ఞప్తి చేశామని సజ్జల వెల్లడించారు. ఆ ఓట్లను మేనేజ్ చేసుకుని అక్రమాలకు పాల్పడేందుకే ప్రభుత్వం సిద్ధమైందని ఆరోపించారు. రాష్ట్రంలో జరుగుతున్న వరుస పరిణామాలను గమనిస్తుంటే సెంట్రల్ ఎలక్షన్ కమిషన్ (సీఈసీ) కూడా ఇందులో ప్రమేయం కలిగి ఉందేమోనన్న తీవ్ర అనుమానాలు వ్యక్తమవుతున్నాయని అన్నారు. ఈ నెల 16వ తేదీన కొత్త ఓటర్ల జాబితా ఇస్తామని చెప్పిన అధికారులు, ఉన్నపలంగా 19వ తేదీ నుంచి పాత ఓటర్ల లిస్టుతోనే ఎన్నికలు నిర్వహిస్తామని ప్రకటించడంలోని అంతరార్థం ఏంటని నిలదీశారు. ప్రజలంతా దసరా పండుగ హడావుడిలో ఉన్న సమయాన్ని చూసి ఉన్నపలంగా ఎన్నికల నోటిఫికేషన్ విడుదల చేయాల్సిన అవసరం ఏమొచ్చిందని మండిపడ్డారు.
Also Read
- AP Economic Regions: యువతకు లక్షలాది ఉద్యోగాలే లక్ష్యం.. మూడు ఎకనమిక్ రీజియన్లపై సీఎం చంద్రబాబు కీలక సమీక్ష
- AP Panchayat Elections: పంచాయతీ ఎన్నికల సందడి.. తుది దశ నోటిఫికేషన్ విడుదల.. పూర్తి వివరాలు..!
- Akvan Cyclone Alert: మళ్లీ ఉత్తరాంధ్ర తీరంవైపు అక్వాన్ తుఫాన్..! మరో 36 గంటలు అలర్ట్
- AP Panchayat Elections: తొలి దశలో బరిలో 21 వేల మందికి పైగా సర్పంచ్ అభ్యర్థులు.. 87 వేల వార్డు అభ్యర్థులు
మా కాళ్లు చేతులు కట్టేసి ఎన్నికలు జరుపుతున్నారు..
పోలింగ్ కేంద్రాల్లో సీసీ కెమెరాలు లేవని, అసలు ఎన్నికలు ఏ విధంగా నిర్వహిస్తారో స్పష్టత లేదని సజ్జల తీవ్ర ఆందోళన వ్యక్తం చేశారు. తమ కాళ్లు, చేతులు కట్టేసి, కళ్లకు గంతలు కట్టి కూర్చోబెట్టి ఎన్నికలు నిర్వహించుకుంటామని ప్రభుత్వం అంటోందని ఎద్దేవా చేశారు. బరితెగించి అక్రమాలు చేస్తూ, తిరిగే తమ పార్టీపైనే బురద చల్లే ప్రయత్నం చేస్తున్నారని విమర్శించారు. కూటమికి చెందిన సోషల్ మీడియా ఫ్యాక్టరీలలో ఇష్టం వచ్చినట్లు అసత్య ప్రచారాలు చేసుకుంటున్నారని దుయ్యబట్టారు. భవిష్యత్తులో అత్యంత ఆవేశకావేశాల మధ్య జరిగే జెడ్పీటీసీ, ఎంపీటీసీ, సర్పంచ్ ఎన్నికలలో ఇంతకంటే బరితెగించి ప్రవర్తిస్తే రాష్ట్రంలో శాంతిభద్రతల పరిస్థితి ఏమవుతుందని ప్రశ్నించారు.ందుకే తాము పారామిలిటరీ బలగాలను రంగంలోకి దించాలని డిమాండ్ చేసినట్లు తెలిపారు.
కూటమి హామీలపై ప్రజలు నిలదీయాలి
కూటమి నేతలు చెబుతున్నట్లుగా ఇవి ఏకగ్రీవాలు కావని, తమ అభ్యర్థులు పోటీలో లేరనడం శుద్ధ అబద్ధమని సజ్జల స్పష్టం చేశారు. ప్రభుత్వం, పోలీసులు నామినేషన్లు వేసేందుకు అవకాశం కల్పిస్తే ఇప్పటికీ తమ అభ్యర్థులు పోటీకి సిద్ధంగా ఉన్నారని సవాల్ విసిరారు. ఇటువంటి వ్యవస్థను ప్రజాస్వామ్యం అనుకోవడం సిగ్గుచేటని, దీనికి ఒకరు ముఖ్యమంత్రి అని చెప్పుకోవడం విడ్డూరంగా ఉందని విమర్శించారు. రాబోయే ప్రచారంలో కూటమి నేతలు ఇంకా ఎన్ని అక్రమాలకు ఒడిగడతారోనని అన్నారు. ఎన్నికల ప్రచారానికి వచ్చే కూటమి నాయకులను ఇచ్చిన హామీలపై ప్రజలు గట్టిగా ప్రశ్నించాలని, కూటమి ప్రభుత్వం చేసిన మోసాలకు ప్రజలే తగిన రీతిలో బుద్ధి చెప్పాలని సజ్జల పిలుపునిచ్చారు.
తాజావార్తలు
-
Vaibhav Sooryavanshi: వైభవ్ సూర్యవంశీకి అరుదైన గౌరవం!
-
Dawood Ibrahim: పాకిస్థాన్లో దావూద్ ఇంకా ఫుల్ యాక్టివ్.. మాజీ ఎఫ్బీఐ ఏజెంట్ బయటపెట్టిన సంచలన నిజాలు
-
Itel City 300 5G: కొత్త కలర్ వేరియంట్లలో itel City 300 5G లాంచ్.. 13MP కెమెరా, 5000mAh బ్యాటరీ!
-
Aditya Dhar: రణ్వీర్ సింగ్తోనే ఆదిత్య ధర్ మూవీ.. ఈసారి మరో డ్రీమ్ ప్రాజెక్ట్!
-
CM Revanth Reddy: క్యూర్, ప్యూర్, రేర్.. తెలంగాణ సమగ్రాభివృద్ధికి సీఎం రేవంత్ రెడ్డి మూడు రీజియన్ల ఫార్ములా..
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!