CM Chandrababu: ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈ రోజు పశ్చిమ గోదావరి జిల్లా పెనుగొండలో పర్యటించనున్నారు.. వాసవి కన్యకా పరమేశ్వరి అమ్మవారి ఆత్మార్పణ రోజును పురస్కరించుకుని ఇక్కడ ప్రత్యేక పూజలు చేయనున్నారు సీఎం చంద్రబాబు, భువనేశ్వరి దంపతులు.. ఆపై రాష్ట్ర ప్రభుత్వం తరపున పట్టు వస్త్రాలు సమర్పిస్తారు. ఈ నేపథ్యంలో ఆలయాన్ని సర్వాంగ సుందరంగా ముస్తాబు చేశారు. మరోవైపు, సీఎం పర్యటన నేపథ్యంలో భారీ బందోబస్తు ఏర్పాటు చేశారు పోలీసులు.. వివిధ శాఖ అధికారులు అన్ని ఏర్పాట్లు పూర్తి చేశారు.
Read Also: Mahakumbh 2025 : మహా కుంభమేళా ప్రాంతంలో వాహనాల ప్రవేశం పై నిషేధం.. వీవీఐపీ పాసులు రద్దు
ఇక, సీఎం పెనుగొండ పర్యటనకు సంబంధించిన షెడ్యూల్ పరిశీలిస్తే..
* ఉదయం 10.30కి ఉండవల్లిలోని తన నివాసం నుంచి హెలికాప్టర్లో బయల్దేరనున్న సీఎం దంపతులు.
* ఉదయం 11.05 గంటలకు పెనుగొండ ఏఎంసీలోని హెలీప్యాడ్కు చేరుకోనున్న సీఎం..
* ఉదయం 11.05 నుంచి 11.10 గంటల మధ్య హెలీప్యాడ్ వద్ద ప్రజలను కలుసుకోనున్న చంద్రబాబు.
* ఉదయం 11.15 గంటలకు రోడ్డు మార్గంలో కన్యకా పరమేశ్వరి ఆలయానికి చేరుకోన్న సీఎం..
* ఉదయం 11.45 వరకు కన్యకా పరమేశ్వరి ఆలయంలో సీఎం.. 11.50కి వాసవి ధామ్కు చేరుకుంటారు.
* మధ్యాహ్నం 12.15 గంటలకు ఏఎంసీలోని హెలీప్యాడ్కు బయల్దేరనున్న సీఎం..
* మధ్యాహ్నం 12.20 గంటలకు హెలీకాప్టర్లో తిరిగి ఉండవల్లికి బయల్దేరనున్న ముఖ్యమంత్రి..
