AP: మొరాయిస్తున్న రిజిస్ట్రేషన్ శాఖ సర్వర్లు.. కార్యాలయాల వద్ద భారీ రద్దీ

ఏపీలో రిజిస్ట్రేషన్ శాఖ సర్వర్లు మొరాయిస్తున్నాయి. ఫిబ్రవరి 1 నుంచి కొత్త మార్కెట్ ధరలు అమలు కానున్న నేపథ్యంలో రిజిస్ట్రేషన్ల కార్యాలయాలకు ఇవాళ తాకిడి పెరిగింది. దీంతో సీఎఫ్ఎంఎస్ పోర్టల్ ఓపెన్ కాకుండా సర్వర్లు మొరాయిస్తున్నాయి. మధ్యాహ్నం నుంచి ఇదే పరిస్థితి ఉండటంతో రిజిస్ట్రేషన్ కోసం వచ్చిన వారు ఇబ్బందులు పడుతున్నారు. కాసేపు ఓపెన్ అయిన వెంటనే మొరాయిస్తున్నాయని వినియోగదారులు వాపోతున్నారు. రేపు కూడా ఇదే పరిస్థితి ఉండొచ్చని అధికారులు చెబుతున్నారు. అధిక మొత్తంలో రిజిస్ట్రేషన్లకు భూయజమానులు, కొనుగోలుదారులు రావడంతో సర్వర్లు మొరాయిస్తున్నాయని అధికారులు అంటున్నారు.

Gopisundar: గోపీసుందర్ ఇంట తీవ్ర విషాదం

ఫిబ్రవరి ఒకటో తేదీ నుండి భూముల ధరలు పెరుగుతుండటం.. నిన్న, మొన్న అమావాస్య సెంటిమెంట్‌తో నేడు గుంటూరు జిల్లా రిజిస్ట్రేషన్ కార్యాలయాల్లో భారీగా భూముల అమ్మకందారులు క్యూ కట్టారు. ఈ నేపథ్యంలో ఉదయం నుండి రిజిస్ట్రేషన్ కార్యాలయాల్లో సర్వర్లు మొరాయించాయి. రోజు 70 నుండి 80 రిజిస్ట్రేషన్లు జరిగే కార్యాలయాల్లో.. నేడు వంద నుండి 150 వరకు పైగా రిజిస్ట్రేషన్లు చేయాల్సి రావటంతో సర్వర్లు డౌన్ అవుతున్నాయని అధికారులు అంటున్నారు. భూముల ధరలు పెరుగుతున్నాయని సమాచారం పూర్తిస్థాయిలో రాలేదని.. ప్రస్తుతం జరుగుతున్న ప్రచారంతోనే పెద్ద ఎత్తున భూ అమ్మకందారులు రిజిస్ట్రారు కార్యాలయాలకు క్యూ కడుతున్నారని అధికారులు అంటున్నారు.