Janasena Party: పవన్ కళ్యాణ్‌కు వైరల్ ఫీవర్.. ఈనెల 24న జరగాల్సిన జనవాణి వాయిదా

pawan kalyan suffers with viral fever: జనసేన అధినేత పవన్ కళ్యాణ్ వైరల్ ఫీవర్ బారిన పడ్డారు. ఉమ్మడి ఉభయ గోదావరి జిల్లాల పర్యటన అనంతరం పవన్ కళ్యాణ్ వైరల్ ఫీవర్ బారిన పడినట్లు జనసేన పార్టీ సోషల్ మీడియా ద్వారా ఓ ప్రకటన విడుదల చేసింది. పవన్ కళ్యాణ్‌తో పాటు కొందరు ముఖ్య నాయకులు, ప్రోగ్రాం కమిటీ నాయకులు, సెక్యూరిటీ సిబ్బంది కూడా జ్వరాలతో అనారోగ్యం బారిన పడ్డారని.. ఈ నేపథ్యంలో ఈనెల 24న నిర్వహించాల్సిన జనవాణి కార్యక్రమాన్ని వాయిదా వేస్తున్నట్లు జనసేన పార్టీ ప్రకటించింది. దీంతో ఈనెల 24న కాకుండా ఈనెల 31న జనవాణి కార్యక్రమం జరుగుతుందని జనసేన రాజకీయ వ్యవహారాల కమిటీ ఛైర్మన్ నాదెండ్ల మనోహర్ వెల్లడించారు.

ఈనెల 31న జనవాణి కార్యక్రమాన్ని ఏ ప్రాంతంలో నిర్వహిస్తామన్న విష‌యాన్ని త్వర‌లోనే వెల్లడిస్తామ‌ని నాదెండ్ల మనోహర్ వివరించారు. ప్రజల సమస్యలను సేక‌రించి ప్రభుత్వానికి పంపేందుకు జ‌న‌వాణి పేరిట జ‌న‌సేన ఇటీవ‌ల ప్రత్యేక కార్యక్రమానికి శ్రీకారం చుట్టిన సంగ‌తి తెలిసిందే. ఇప్పటివరకు విజ‌య‌వాడ‌లో రెండు విడతలు, భీమ‌వ‌రంలోఒక విడత జ‌న‌వాణి కార్యక్రమాన్ని పవన్ కళ్యాణ్ నిర్వహించారు.

ఈ నెల 31న తదుపరి జనవాణి – JanaSena Party PAC Chairman Shri @mnadendla pic.twitter.com/k9mWoMNt3Q

— JanaSena Party (@JanaSenaParty) July 20, 2022