Alla Nani: పవన్ ప్రజలను భయభ్రాంతులకు గురి చేస్తున్నాడు.. మాజీ మంత్రి ధ్వజం
Alla Nani Sensational Comments On Pawan Kalyan Varahi Yatra: జనసేన అధినేత పవన్ కళ్యాణ్పై మాజీమంత్రి ఆళ్ల నాని తీవ్రస్థాయిలో విరుచుకుపడ్డారు. తాడేపల్లిలో ఆయన మాట్లాడుతూ.. పవన్ తన వాహనానికి అమ్మవారి పెట్టి, బురద చల్లుతున్నాడని విమర్శించారు. జగన్పై ద్వేషంతో విషాన్ని చిమ్ముతున్నాడని మండిపడ్డారు. వైసీపీ నాయకులపై అసభ్య పదజాలంతో దూషిస్తున్నాడని ధ్వజమెత్తారు. జగన్ను వ్యక్తిగతంగా దూషించటానికి, చంద్రబాబు ఎలాగైనా అధికారంలోకి తీసుకుని రావాలనే ఉద్దేశంతోనే.. పవన్ ఈ వారాహి యాత్ర చేపట్టాడని అభిప్రాయపడ్డారు. పవన్ హద్దుమీరి మాట్లాడుతున్నా.. తాము సంయమనంతో ఉన్నామని, చేతకాక కాదని పేర్కొన్నారు. పవన్ ప్రజలను భయభ్రాంతులకు గురి చేస్తున్నాడని ఫైరయ్యారు.
Pawan Kalyan: జనసేన అధికారంలోకి వస్తే, తూర్పుకాపుల జనగణన చేపడతాం
ప్రశాంతంగా ఉండే గోదావరి జిల్లాల్లో.. కులాల మధ్య చిచ్చు పెట్టేందుకు పవన్ ప్రయత్నం చేస్తున్నాడని ఆళ్ల నాని ఆరోపించారు. రాయలసీమలో రౌడీలు, గూండాలు ఉన్నారంటూ.. ప్రాంతాల మధ్య విబేధాలు సృష్టించే ప్రయత్నం చేస్తున్నాడని తూర్పారపట్టారు. ఆఖరిని ఆ దేవుడ్ని కూడా రాజకీయాల్లోకి లాగడం దురదృష్టకరమని ఆవేదన వ్యక్తం చేశారు. పవన్ మాటల వెనుక చంద్రబాబు స్క్రిప్ట్ ఉందని.. ఆయన రాసిచ్చిందే పవన్ చదువుతున్నాడని పేర్కొన్నారు. పవన్, చంద్రబాబు ఇద్దరిదీ.. ఒకటే నాలుక, ఒకటే గొంతుక అని వ్యాఖ్యానించారు. అయితే.. ఎంతమంది కలిసొచ్చినా, జగన్ గెలుపుని ఎవ్వరూ ఆపలేరని ధీమా వ్యక్తం చేశారు. పోలవరం ప్రాజెక్టును అధ్యయనం చేశాక, పవన్ మాట్లాడాలని సూచించారు. పోలవరం ప్రాజెక్టును ఒక్క సీఎం జగన్ మాత్రమే పూర్తి చేయగలరని చెప్పారు.
Asadudiin Owaisi: ప్రధానికి ఆ ధైర్యం ఉందా..? యూసీసీపై ప్రధాని వ్యాఖ్యలకు ఓవైసీ కౌంటర్..