తమిళంలో ‘లాక్ డౌన్’ ర్యాప్ సాంగ్ వీడియో

కె.వి.గుహన్ దర్శకత్వంలో ఆది తరుణ్, శివాని రాజశేఖర్ ప్రధాన పాత్రలో నటిస్తున్న చిత్రం “డబ్ల్యూడబ్ల్యూడబ్ల్యూ”. హూ వేర్ వై అనేది దాని అర్థం. ఈ యూత్ ఫుల్ ఎంటర్ టైనర్ లో ప్రియదర్శి, వివా హర్ష, దివ్య, రియాజ్ ఖాన్, సత్యం రాజేష్ కీలకమైన పాత్రలో నటిస్తున్నారు.

ఈ సినిమాను డాక్టర్ రవి ప్రసాద్ రాజు దాట్ల నిర్మిస్తున్నారు. రామంత్ర క్రియేషన్స్ బ్యానర్ పై నిర్మితమవుతున్న ఈ చిత్రం నుంచి ఇటీవలే “లాక్ డౌన్” అనే ట్యాప్ సాంగ్ ని విడుదల చేశారు. తెలుగులో విడుదలైన ఈ వీడియో సాంగ్ కు ప్రేక్షకుల నుంచి మంచి స్పందన వస్తోంది.

రోల్ రైడ ఈ ర్యాప్ సాంగ్ ని ఆలపించారు. సైమన్ కె కింగ్ ఈ చిత్రానికి సంగీతం అందించారు. తాజాగా “లాక్ డౌన్” వీడియో సాంగ్ ని తమిళంలో విడుదల చేశారు. ఈ ఎనర్జిటిక్ అండ్ క్యాచీ రాప్ సాంగ్ ని రియల్ లాక్ డౌన్ లో తమిళంలోనూ వీక్షించి ఎంజాయ్ చేయండి మరి.