Can Beer Damage Your Kidneys: బీర్ తాగితే కిడ్నీలకు ఏం కాదనుకుంటున్నారా? తాజా అధ్యయనంలో షాకింగ్ నిజాలు..
- Follow Us :
-
-
Add as a preferred
source on google
Can Beer Damage Your Kidneys: బీర్ తాగితే కిడ్నీలకు ఎలాంటి నష్టం జరగదని చాలామంది అనుకుంటారు. కానీ ఆ అభిప్రాయం తప్పు అని ఓ పరిశోధన తేల్చింది. మద్యం తాగడం వల్ల లివర్ (Liver) ఆరోగ్యమే కాదు, కిడ్నీ ఆరోగ్యం కూడా దెబ్బతింటుంది. బీర్, స్పిరిట్స్ (Spirits) అంటే విస్కీ (Whisky), రమ్ (Rum), వోడ్కా (Vodka) లాంటివి తాగేవారిలో అక్యూట్ కిడ్నీ ఇంజరీ (AKI) వచ్చే రిస్క్ ఎక్కువగా ఉంటుందని గుర్తించారు. అయితే బీర్తో పోలిస్తే వైన్ (Wine) తాగేవారిలో ఈ ప్రమాదం తక్కువగా కనిపించింది. ఈ అధ్యయనాన్ని బ్రిటన్లోని ఆంగ్లియా రస్కిన్ యూనివర్సిటీ (Anglia Ruskin University) శాస్త్రవేత్తలు చేశారు. ఈ వివరాలు సైంటిఫిక్ రిపోర్ట్స్ (Scientific Reports) అనే మెడికల్ జర్నల్లో ప్రచురితమయ్యాయి. మద్యం అలవాటు ఉన్న 2,50,791 మంది ఆరోగ్య డేటాను యూకే బయోబ్యాంక్ (UK Biobank) ద్వారా పరిశీలించారు. సగటున 14 ఏళ్ల పాటు వీరి ఆరోగ్యాన్ని గమనించగా, ఆ కాలంలో 10,335 మందికి అక్యూట్ కిడ్నీ ఇంజరీ సమస్య వచ్చింది.
వారానికి కేవలం ఒక్క యూనిట్ స్పిరిట్స్ తాగేవారితో పోలిస్తే, వారానికి సుమారు 9 యూనిట్లు తాగేవారిలో కిడ్నీ సమస్య వచ్చే ప్రమాదం దాదాపు 26 శాతం ఎక్కువగా ఉందని తేలింది. అలాగే వారానికి 3 యూనిట్ల బీర్ తాగేవారితో పోలిస్తే, 27 యూనిట్లు తాగేవారిలో ముప్పు 15 శాతం అధికంగా ఉంది. అంటే బీర్ లేదా స్పిరిట్స్ ఎక్కువగా తాగేకొద్దీ కిడ్నీ సమస్యల రిస్క్ కూడా అంతే పెరుగుతుందని అర్థమైంది. రక్తంలోని వ్యర్థాలను, అదనపు నీటిని మూత్రం ద్వారా బయటకు పంపడం కిడ్నీల ప్రధాన పని. బీర్ లేదా విస్కీ, రమ్, వోడ్కా వంటి మద్యం ఎక్కువగా తీసుకుంటే శరీరంలో నీటి శాతం తగ్గిపోతుంది. ఎక్కువసార్లు మూత్రానికి వెళ్లాల్సి రావడం వల్ల డీహైడ్రేషన్ (Dehydration) ఏర్పడుతుంది. దీనితో పాటు బీర్, స్పిరిట్స్ ఎక్కువగా తాగడం వల్ల ఒంట్లో వాపులు పెరిగే అవకాశం ఉందని, ఇది కిడ్నీలకు చాలా ప్రమాదకరమని పరిశోధనలో తేలింది.
Also Read
- Marriages: "పెళ్లి వద్దు.. సింగిల్ లైఫే బెటర్".. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
- Tandoori Roti Recipe: ఇంట్లోనే కరకరలాడే తందూరీ రోటీ.. ప్రెషర్ కుక్కర్లోనే సింపుల్గా హోటల్ స్టైల్ తందూరీ రోటీ..!
- Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
- Dosa Making Tips : దోస వేసే ముందు పెనంపై నీళ్లు ఎందుకు చల్లుతారు?.. దీని వెనుక ఉన్న అసలు సీక్రెట్ ఇదే!
అక్యూట్ కిడ్నీ ఇంజరీ లేదా ఏకేఐ (AKI) అనేది కిడ్నీలు అకస్మాత్తుగా సరిగ్గా పనిచేయడం ఆపేసే పరిస్థితి. దీనివల్ల రక్తాన్ని శుభ్రం చేసే శక్తి తగ్గిపోతుంది. మూత్రం తక్కువగా రావడం, వాంతులు, విపరీతమైన నీరసం వంటి లక్షణాలు కనిపిస్తాయి. కొన్ని సందర్భాల్లో డయాలసిస్ (Dialysis) చేయాల్సిన అవసరం కూడా రావచ్చు. వైన్ బీర్ కంటే తక్కువ ప్రమాదకరంగా కనిపించినప్పటికీ, అది కిడ్నీలకు మంచిదని మాత్రం చెప్పలేం. వైన్ తాగడం వల్ల కిడ్నీ రిస్క్ పెరిగినట్టు స్పష్టమైన ఆధారాలు కనిపించలేదంతే. వైన్ తాగేవారి జీవనశైలి, ఆహారపు అలవాట్లు మిగతా వారితో పోలిస్తే వేరేలా ఉండే అవకాశం కూడా ఉంది. కాబట్టి వైన్ తాగితే కిడ్నీలు ఫిట్గా ఉంటాయని లేదా ఎవరైనా దీన్ని తాగాలని ఈ అధ్యయనం చెప్పడం లేదు.
తాజావార్తలు
-
Can Beer Damage Your Kidneys: బీర్ తాగితే కిడ్నీలకు ఏం కాదనుకుంటున్నారా? తాజా అధ్యయనంలో షాకింగ్ నిజాలు..
-
Hyderabad: అండాల దందా.. ఓయాసిస్ ఫెర్టిలిటీ సెంటర్ల రిమాండ్ రిపోర్టులో విస్తుపోయే నిజాలు..
-
India Slams Pakistan Army: సహజ వనరులను పాక్ సైన్యం దోచుకుంటోంది.. పాకిస్థాన్కు భారత్ స్ట్రాంగ్ కౌంటర్..!
-
GTA 5 to GTA 6: GTA 5 నుంచి GTA 6 వరకు.. 13 ఏళ్లలో భారత్లో వచ్చిన మార్పులపై పీఎం మోడీ పోస్ట్!
-
Swasika: ఆమె నటిస్తే మూవీ హిట్టే.. ‘ఏవోటీ’తో హ్యాట్రిక్ సాధిస్తుందా?
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!