వీడెవడండీ బాబు! వ్యాక్సిన్ వేస్తామంటే.. చెట్టెక్కాడు

ఒకవైపు కరోనా మహమ్మారి కొత్త వేరియంట్ భయపెడుతోంది. ఒమిక్రాన్ కోరలు చాస్తోంది. అయినా జనంలో మార్పు రావడం లేదు. మాస్క్ మరిచిపోయారు. శానిటైజర్ దూరం పెట్టేశారు. ప్రభుత్వం పెద్ద ఎత్తున వ్యాక్సినేషన్ కార్యక్రమం నిర్వహిస్తోంది. అయితే కొందరు తమ వైఖరి మార్చుకోవడం లేదు. వ్యాక్సిన్ వేస్తాం రమ్మంటే దూరంగా వెళ్ళిపోతున్నారు.

READ ALSO ఈ బామ్మలు సమ్‌థింగ్ స్పెషల్.. ఎందుకో తెలుసా?

తాజాగా సంగారెడ్డి జిల్లా న్యాల్కల్ మండలం రేజింతల్ గ్రామంలో ఆరోగ్య సిబ్బందికి వింత అనుభవం ఎదురైంది. వ్యాక్సిన్ వేసే సిబ్బంది ఆ గ్రామానికి వెళితే నేను వేసుకోనన్నాడు. అంతటితో ఆగలేదు. వ్యాక్సిన్ వేసుకోవాలని చెబుతుండగా గౌస్ ఉద్దీన్ అనే ఒక యువకుడు నేను వేసుకోను అంటూ చెట్టెక్కాడు. బంధువులు, ఆరోగ్య సిబ్బంది బతిమిలాడినా చెట్టెక్కి దిగనన్నాడు. వీడెవడండీ బాబూ అంటున్నారు జనం. టీకా వేయించుకుంటే కరోనాకు దూరంగా వుండొచ్చని ఎంత సముదాయించినా ఈ మొండిఘటం మాత్రం పట్టువీడలేదు.