శ్రీవారి ఆలయంలో జనవరిలో విశేష ఉత్సవాలు.. ఏ రోజు ఏంటి..?

కలియుగ ప్రత్యక్ష దైవం తిరుమల శ్రీవేంకటేశ్వర స్వామి నిత్యం పూజలు అందుకుంటారు.. కొలిచిన వారికి కొంగుబంగారం అయిన శ్రీవారికి రకరాల పూజలు, అభిషేకలు, ఊరేగింపులు.. కల్యాణాలు.. ఒక్కటేంటి.. శ్రీవారి వైభోగం మాటలకు అందదు.. చూసేందుకు రెండు కళ్లు చాలవు.. ఈ ఏడాది మరో రోజుతో ముగియనుంది.. వచ్చే ఏడాది అంటే జనవరిలో శ్రీవారి ఆలయంలో జరిగే విశేష ఉత్సవాలను ప్రకటించింది తిరుమల తిరుపతి దేవస్థానం..

Read Also: గోరటి వెంకన్నకు కేంద్ర సాహిత్య అకాడమీ అవార్డు..

టీటీడీ వెల్లడించిన వివేష ఉత్సవాల వివరాలు ఇలా ఉన్నాయి..

• జనవరి 2వ తేదీన అధ్యయనోత్సవాలు ప్రారంభం.
• 13న వైకుంఠ ఏకాద‌శి, శ్రీ‌వారి స‌న్నిధిలో రాప‌త్తు.
• 14న వైకుంఠ ద్వాద‌శి, స్వామి పుష్కరిణీతీర్థ ముక్కోటి, భోగి పండుగ‌.
• 15న మకర సంక్రాంతి.
• 16న శ్రీ గోదా పరిణయోత్సవం, శ్రీవారి పార్వేట ఉత్సవం.
• 17న రామకృష్ణ తీర్థ ముక్కోటి.
• 18న శ్రీ‌వారి ప్రణ‌య క‌ల‌హ మ‌హోత్సవం.
• 22న తిరుమల శ్రీవారి సన్నిధిలో పెద్ద శాత్తుమొర, వైకుంఠ ద్వార దర్శనం ముగింపు.
• 26న శ్రీవారి ఆలయంలో అధ్యయనోత్సవాల ముగింపు.
• 27న శ్రీవారు తిరుమలనంబి ఆలయానికి వేంచెపు లాంటి విశేష ఉత్సవాలు నిర్వహించనున్నట్టు టీటీడీ ప్రకటించింది.