యూపీలో కరోనా వ్యాప్తిపై హైకోర్టు సంచలన వ్యాఖ్యలు… 

దేశంలో కరోనా మహమ్మారి వేగంగా విస్తరిస్తోంది.  దేశంలో అతిపెద్ద రాష్ట్రమైన యూపీ లో పరిస్థితి మరింత దారుణంగా మారిపోయింది.  కరోనాను కంట్రోల్ చేసేందుకు లాక్ డౌన్ అమలు చేస్తున్నా కట్టడి కావడం లేదు.  నగరాలు, పట్టణాలతో పాటుగా ఈ వైరస్ ఇప్పుడు గ్రామాలను సైతం చుట్టేస్తోంది.  దీంతో గ్రామాలు కరోనా బారిన పడుతున్నాయి.  గ్రామాల్లో వైద్య సౌకర్యాలు అంతంతమాత్రంగానే ఉన్నాయి.  గ్రామాల్లో కరోనా వ్యాపించడంపై అలహాబాద్ హైకోర్టు కీలక వ్యాఖ్యలు చేసింది.  యూపీ ప్రజలను ఆ దేవుడే కాపాడాలి అంటూ వ్యాఖ్యానించింది.  కరోనా రోగులకు మెరుగైన చికిత్స అందించాలని కోరుతూ దాఖలైన పిటిషన్ పై విచారణ జరిగిపిన కోర్టు ఈ విధంగా వ్యాఖ్యలు చేసింది.  అటు మీరట్ జిల్లాల్లో కరోనా రోగి అదృశ్యంపై కూడా కీలక వ్యాఖ్యలు చేసింది.  కరోనాతో మరణించిన వ్యక్తిని గుర్తు తెలియని వ్యక్తి మృతిగా వైద్యులు పేర్కొంటూ రిపోర్ట్ ఇవ్వడంపై కోర్టు ఆగ్రహం వ్యక్తం చేసింది.