భయపెడుతోన్న మరో కొత్త వైరస్‌..! డెత్‌ రేట్‌ 88 శాతం..!

ఇప్పటికే కరోనా వైరస్‌ కలవరపెడుతోంది.. రోజుకో కొత్త వేరియంట్‌ తరహాలో కొత్త కొత్త వేరియంట్లు వెలుగుచూస్తూనే ఉన్నాయి.. ఓవైపు వ్యాక్సినేషన్‌ జరుగుతున్నా.. మరోవైపు.. పాజిటివ్‌ కేసులు అదుపులోకి వచ్చినట్టే కనిపించడం లేదు.. ఈ తరుణంలో మరో కొత్త వైరస్‌ ఇప్పుడు కలవరడానికి గురిచేస్తోంది.. ఆఫ్రికా దేశం గినియాలో మార్‌బర్గ్ అనే వ్యాధి బయటపడింది.. ఎబోలా, కోవిడ్‌ లాంటి వైర‌స్‌ల త‌ర‌హాలోనే మార్‌బర్గ్ కూడా ప్రాణాంత‌మైంద‌ని చెబుతోంది ప్రపంచ ఆరోగ్య సంస్థ.. జంతువుల నుంచి మ‌నుషుల‌కు ఈ వైర‌స్ సోకి ఉంటుంద‌ని అంచనా వేస్తోంది.. గ‌బ్బిలా నుంచి సంక్రమించే ఈ వ్యాధి వ‌ల్ల మ‌ర‌ణాల రేటు 88 శాతంగా ఉంటుందని హెచ్చరిస్తోంది.

గినియాలోని గుకిడెవో ఈ నెల 2వ తేదీన ఓ వ్యక్తి మరణించాడు.. అయితే, అతడి నుంచి సేకరించిన శ్యాంపిల్స్‌ ద్వారా మార్గ్ బర్గ్‌ కేసు నమోదు అయ్యింది… అయితే, ఈ వైరస్‌ గురించి అంతా ఆందోళన చెందాల్సిన అవసరం లేదంటోంది డబ్ల్యూహెచ్‌వో.. మార్‌బర్గ్ వైర‌స్ జాతీయ‌, ప్రాంతీయ స్థాయిలో మాత్రమే విస్తరిస్తుంది.. కానీ, ప్రపంచ‌వ్యాప్తంగా వ్యాప్తి చెందే అవకాశాలు లేవని వెల్లడించింది. గుహ‌లు, గ‌నుల్లోకి వెళ్లడం వ‌ల్ల ఈ వైరస్ గ‌బ్బిలాల నుంచి సోకే ప్రమాదం ఉందని తెలిపింది. కాగా, మార్‌బ‌ర్గ్ వైరస్‌ కేసులు ద‌క్షిణ కొరియా, అంగోలా, కెన్యా, ఉగాండా, కాంగో దేశాల్లో గతంలోనే నమోదు అయిన సందర్భాలున్నాయి.. కానీ, వెస్ట్ ఆఫ్రికాలో మాత్రం ఇదే తొలికేసుగా చెబుతున్నారు. ఈ వైరస్‌ సోకినవారిలో ఒక్కసారిగా అధిక జ్వరం, తీవ్రమైన త‌ల‌నొప్పి ఉంటాయని.. ఏ ప‌ని చేయ‌డానికి కూడా శరీరం సహకరించదని డబ్ల్యూహెచ్‌వో చెబుతోంది.