తెలంగాణ ఆర్టీసీకి రికార్డు స్థాయిలో ఆదాయం

తెలంగాణ రాష్ట్ర ఆర్టీసీ ఎండీగా సజ్జనార్‌ బాధ్యతలు చేపట్టిన నుంచి… ఆర్టీసీలో సమూల మార్పులు వచ్చాయి. ఆయన తీసుకుంటున్న నిర్ణయాలతో ఆర్టీసీ లాభాల బాటల్లో దూసుకుపోతుంది. అటు ప్రజలు కూడా ఆర్టీసీ సేవలను ఉప యోగించుకునేందుకు ఆసక్తి చూపుతున్నారు. ఇలాంటి తరుణంలో తెలంగాణ ఆర్టీసీకి రికార్డు స్థాయిలో ఆదాయం రాబట్టగలుగుతోంది.తాజాగా ఒక్కరోజే ఆర్టీసీ రికార్డు స్థాయిలో ఆదాయాన్ని రాబట్టింది.

సోమవారం రికార్డు స్థాయిలో 77.06 శాతం ఆక్యుపెన్సీ రేషియోను నమోదు చేసింది ఆర్టీసీ. గత సంవత్సరం ఆర్టీసీ చార్జీలు పెంచిన తరువాత ఇదే అత్యధిక ఆదాయం కావడం గమనార్హం. సోమవారం రూ. 12.89 కోట్లు లక్ష్యంగా పెట్టుకోగా రూ14.07 కోట్ల ఆదాయం నమోదు చేసింది తెలంగాణ ఆర్టీసీ. గతేడాది ఇదే రోజున రూ. 7.85 కోట్లు మాత్రమే ఆదాయం రాబట్టిన ఆర్టీసీ.. ఈ సారి డబుల్‌ బొనంజా కొట్టింది. పది రీజియన్లలో లక్ష్యానికి మించి ఆదాయం రాబట్టింది తెలంగాణ ఆర్టీసీ.